Masalmo 21:5 - Bhiblia Yo Sawuleka

⁵ Wudhumo wakwe mbwa hombe, ngu mhaka ya kuhanyisa kwako; awe u mningile nduma ni kuxonipheka.

Masalmo 21:5 Referans Kwoze

1 Pedro 3:22

wu a nga kwela nzumani, eya zumba txineneni ka Txizimu, ahawa a nga ningwa kufuma tingelozi, vathangeli ni mitamo.

Vahebheru 8:1

Se, msungo wa mhaka yi hi yi wombako ngu wuwa: Hi na ni Mphaxeli Wahombe wo ngeto, awu a nga khalahatsha txineneni ka txiluvelo txa wukoma nzumani.

Johani 17:22

Ni va ningile kuphatima kuwa awe u nga ni ninga, kasiku va txi va i di mmweyo, nga athu hi ku mmweyo:

Johani 17:5

Se konkuwa, ni dhumise, awe Tata, masoni kwako, ngu wudhumo wule ni nga ti nawo, kumweko ni nawe, na ditiko di sanzi kumahwa.”

Johani 17:1

Jesu ngako a di wombile timhaka tiya, a to gula maso a txi wona nzumani, a txi khene: “Tata, txi hokile txikhati. Dhumisa Mwanana wako, kufela kunene Mwanana wako e kudhumisa,

Matewu 28:18

Jesu a to tshuketa hafuhi, a txi khene kwawe: “Ni ningilwe mtamo wotshe, nzumani ni ha mafuni:

Isaya 63:1

I mani wuwa a tako ngu Edhomi, ka Bhozira, ni syambalo so bhilivila kani? Awu syambalo sakwe i ku so dhundeka, a tsimbilako ngu mtamo wakwe wa hombe kani? Ani ni wombawombako ngu kululama, ni mtamo ngutu kasi kuhanyisa.

Masalmo 110:1

Mkoma a ti khene ka nyamne wangu: “Khalahatsha txineneni kwangu, kala kuza ni khozisa valala vako ve maha txikhigelo txa mikondo yako.”

Masalmo 96:6

Wudhumo ni wuhombe si masoni kwakwe; nyumba yakwe yo sawuleka yi ni mtamo ni kutshura.

Masalmo 62:7

Kuhanyiswa kwangu ni wudhumo wangu si ka Txizimu; txona m'vhikeli wangu ni wuthavelo wangu.

Masalmo 8:5

Hambi ti di halo, u mmahile a txi nga ova Txizimu u mningile m'bhoti wa wudhumo ni lisima.

Masalmo 3:3

Aniko awe, Mkoma, u txitxhavangu txangu txo ni vhikela; awe u wudhumo wangu, ngawe u ni tsanisako.

1 Makronika 17:27

Konkuwa koko, katekisa nyumba ya txithumi txako, kasi ku yi simama masoni kwako kala kupinduka; nguko awe Mkoma, u yi katekisile, se yi na maneka yi di katekile ngu ha ku sigwitiko.

2 Samuwele 7:19

Eto ti vi tidotho masoni kwako, Mkoma Txizimu, aniko awe u wombawombile ngu nyumba ya txithumi txako ka timbimo ti titako; Ina ngu txona etxo txihena txa vathu, awe Mkoma Txizimu kani?

1 Vafumeli 3:14

Se, ngako u txi tsimbila ngu tinzila tangu, u txi vekisa milayo yangu ni sirumo sangu, nga ti a nga tsimbilisa tona Dhavhidha, tate wako, kambe ni na laphisa masiku ako.

Masalmo 61:7

Ene a na va masoni ka Txizimu kala kupinduka. Lirando lako ni kululama si na mxayise.

Masalmo 133:3

Ngu nga txyandela txa mmangoni ka Hermoni, txi relelako ka mimango ya Siyoni. Nguko, ngu koneyo Mkoma a rumako makatekwa, ngu kuvaninga kuhanya kala kupinduka.