Masalmo 21:4 - Bhiblia Yo Sawuleka

⁴ Ene a kombete wutomi, se awe u mningile, wutomi wo lapha, wo fungala, wo mbi na magwito.

Masalmo 21:4 Referans Kwoze

Mtuletelo 1:18

Ani ni wule a hanyako; ni li zivile lifo, aniko ndiko na hanya kala kupinduka. Kambe nina ni tikhiya ta lifo ni ta wukhalo wa vafi.

Masalmo 91:16

Ni na mninga kuhanya masiku amangi, kambe ni na mkomba kuhanyisa kwangu.”

Masalmo 119:77

Ni kombe wumbilu wako se ni na hanya, nguko mlayo wako, wa ni tsakisa.

Masalmo 133:3

Ngu nga txyandela txa mmangoni ka Hermoni, txi relelako ka mimango ya Siyoni. Nguko, ngu koneyo Mkoma a rumako makatekwa, ngu kuvaninga kuhanya kala kupinduka.

Masalmo 119:175

Nihe wutomi, kasiku ni sikota ku kudhumisa, mithetho yako yi na ni vhune.

Masalmo 72:17

Ditina da mfumeli di na simame yotshe mbimo; nduma yakwe yi na simame hahatshi ka ditambo kala kupinduka! Ngu mhaka yakwe yotshe mifumo yi na katekiswe otshe matiko ma na mu womba ku a katekile.

Masalmo 89:29

Ni na maha ti to lihunzu lakwe li simama kala kupinduka, li txi fuma ngu malembe ni malembe kufana ni nzuma.

Masalmo 13:3

Ni wone, Mkoma, u txi ni xamula, Txizimu txangu; woninga maso angu, ti to ma si oteli wukohe wa lifo.

1 Vafumeli 2:33

Ngu kumaha keto, mnoha wawe vava wu na thekelela txitimwi ka msungo wa Jowabhi, ni ka msungo wa liveleko lakwe, kala kupinduka; aniko ka Dhavhidha, ni ka liveleko lakwe, ni ka nyumba yakwe, ni ka txikhalo txakwe txa wukoma, Mkoma a na ninga kuthutha, ngu ha ku si gwitiko.

1 Vafumeli 2:45

Aniko mfumeli Solomoni a na katekiswa, txikhalo txa wukoma txa Dhavhidha txi na tsaniswa masoni ka Mkoma, ngu ha ku si gwitiko.”

2 Vafumeli 11:12

Se Joyadha a to humisa Jowasi, mwanana wa mfumeli, e msanzeka m'bhoti, ni dibhuku da milayo, va to mfumisa, ve mtota, va txi bhabhwatela manza, na va txi kha vona: A na hanye mfumeli!

Zakariya 6:13

Ene apune a na aka Dithepele da Mkoma, se a na teka wudhumo, kambe a na khalatsha, a na fuma ha txituluni kwakwe ka wukoma, ni kuva mphaxeli ha txituluni kwakwe ka wukoma, ku nava ni kudikha ka madhawa otshe a mambidi.