Masalmo 21:3 - Bhiblia Yo Sawuleka

³ U mu hingetile u txi mninga makatekwa u mu ambekile ha msungo kwakwe m'bhoti wa nzalama ya yinene.

Masalmo 21:3 Referans Kwoze

2 Samuwele 12:30

Se a to thavisa m'bhoti ha msungo ka mfumeli wa kona; wule kunemela ka wona i nga ti ti ka talenta yimweyo ya nzalama, ka wona ku ti ti ni marigwi a lisima, kambe wu to sanzekwa ha msungo ka Dhavhidha; se a to handa simaha so tala ngutu didhoropani.

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

Masalmo 59:10

Txizimu, txi txi ni randako, txi nata kwangu, txi txi ni ninga kuwona kuxulwa ka valala vangu.

Masalmo 31:19

Mbwa hombe ngutu wunene wako, Mkoma! Awu u nga wu lulamisela avale va kuthembako; awu u mahelako vona vale va kuthembako, masoni ka votshe.

1 Makronika 20:2

Se Dhavhidha a to thavisa m'bhoti ha msungo ka mfumeli wa kona, wule kunemela ka wona i nga ti ti ka talenta yimweyo ya nzalama, ka wona ku ti ti ni marigwi a lisima; kambe wu to sanzekwa ha msungo ka Dhavhidha; se a to handa simaha so tala ngutu didhoropani.

Vahebheru 2:9

Jesu wu a nga vekwa hahatshi ka tingelozi ngu txikhatinyana txa txidotho, ha mu wona na a di vekilwe m'bhoti wa kupfaliswa ni kudhumiswa, ngu mhaka ya sixaniso sa lifo. Kunene, ene ngu mtamo wa kateko ya Txizimu, a dukile lifo, kasiku a txi hanyisa votshe vathu.

Varoma 11:35

Mwendo i mani a nga thanga ene a txi mninga txo maha, kufela ku na tshungulwa ngu ngene kani?”

Mtuletelo 19:12

Maso akwe dituro da mndilo, ha msungo kwakwe ku na ni mibhoti yayingi, kubhatwe ditina di di si ziwiko ngu mmwani m'thu hahanze kwakwe,

Masalmo 18:18

Va ni kanganyisile ni di kupandisekani, aniko Mkoma a ni lwete.

Jobe 41:11

I mani a nga khata e ni ninga, kasi ku ni na mtshumetela kani? Nguko asi si ku hahatshi ka nzuma, nzangu.

2 Makronika 6:41

Mkoma Txizimu khukha konkuwa u wulela u humula ka wukhalo wako, awe ni dibhokiso da mtamo; Mkoma Txizimu, vaphaxeli vako va na ambale kuhanyiswa, se ni vasawuleki va na tsakele wunene wako.

2 Samuwele 5:3

Ngu kumaha keto, otshe madhota a ka Israyeli ma to ta ka mfumeli, kona Hebroni; se mfumeli Dhavhidha a to maha navo txitumelelano kona Hebroni, masoni ka Mkoma; va to tota Dhavhidha kuva mfumeli txitimwi ka Israyeli.

2 Samuwele 2:4

Sekoko vavamna va ka Judha va to ta koneho ve ta tota Dhavhidha kuva mfumeli, txitimwi ka nyumba ya ka Judha. Se va to zivisa Dhavhidha va txi kha vona: Vavamna va Jebhesi-Gileyadhi ngu vona va nga tshotsha Sawule.

1 Samuwele 16:13

Sekoko Samuwele a to teka litxheho la mafura, e mu tota hagari ka vanawe; se kukhukhela ka donedo ditshiku ni kuya masoni, Moya wa Mkoma wu to wulela ka Dhavhidha. Sekoko Samuwele a to khukha e tshumela e tsula Rama.

Varoma 2:4

Mwendo wo kanyisa kutala ka wunene wa Txizimu, ni kutimisela ka txona, ni kuhonisela ka txona; khu ti zivi ti to wunene wuwa wa Txizimu wu ku ndindela kuya kuhundulukani kani?

Masalmo 20:5

Hi na peka mikulungwani, hi txi tsakela kuxula kwako ngu ditina da Txizimu hi na gwimba mijeke. Mkoma a na ku ninge sotshe si u si navelako.