Masalmo 21:11 - Bhiblia Yo Sawuleka

¹¹ Valala va langanile kumaha kubiha ni ku kuwukela, va ni txikungo, aniko kha va na mbi sikota kumaha txilo.

Masalmo 21:11 Referans Kwoze

Masalmo 10:2

Kutikulisani kwawe, vabihi va xanisa sisiwana; va na bzwetwe ngu milawu yi va nga riya.

Masalmo 2:1

Ngu kutxani mifumo yi txi wusa vhilinganya kani? Ngu kutxani vathu va txi aka makungo o mbi vhuna txilo kani?

Matewu 2:16

Sekoko, ngako Herodha a di woni ti to a kanganyisilwe ngu titxhari, a to henya ngutu, se e rumela kuya dayela votshe vanana va sizambiana va Bhetlehema ni va dotshe ditiko da kona, va tanga ya malembe mambidi ni kuya hahatshi, madingano ni mbimo yi a nga wotisisa ngu yona ka titxhari.

Masalmo 31:13

Ni engisile va txi womba-womba kubiha ngu ngani; ni taletwe ngu dizowa, nguko valala vangu va ni rambete txikungo, va lava ku ni daya.

Matewu 2:8

Se a txi va rumela Bhetlehema, a to va gela a txi khene: “Tsulani mi txi ya wotisela ta tinene mhaka ya mwananeyo; kambe ngako mi txi mu mana, ni ziviseni, kasiku nanani ni tsula ni ya mu khozela.”

Masalmo 83:4

Vona va kha vona: “He va fuviseni hagari ka vathu, kasiku di si swi di txi khumbulwa ditina da Israyeli.”

Masalmo 35:20

Vona kha va nga ni mipimiso ya kudikha; va wukela vathu va i ku sisiwana amu ditikoni; ve maha sikungo sa wukanganyisi,

Matewu 21:46

Se va ti lava ku mñola, aniko va to thava dibutho da vathu, nguko vona va ti ti m'ziva nga mprofeti.

Ezekhiyele 11:2

Se a to ni gela ku khene: Awe mwanana wa m'thu, avava mbathu va va pimisako wubihi, kambe va ningako sileleto so biha ka diya didhoropa,

Masalmo 109:13

Liveleko lakwe li na gume ni txibongo txakwe txi na fuve ka liveleko li litako.