Masalmo 20:7 - Bhiblia Yo Sawuleka

⁷ Vamwani va themba mimovha yawe ya yimbi vamwani va themba mahantxhi awe; aniko, athu hi themba Mkoma, Txizimu txathu.

Masalmo 20:7 Referans Kwoze

Jeremiya 17:5

Mkoma a khene: “A ruketetwe m'thu wu a thembako m'thu, a thembako mtamo wa diwoko dakwe, na mbilu yakwe yi di hambanile ni Mkoma.

Isaya 31:1

Dikhombo ka vale va relelako Egipta kuya kombela kuvhunwa; kambe va thembako mahantxhi! Va ku ni themba ni sikotxikani, nguko i ku sasingi, ni vagadhi va mahantxhi, nguko mba mtamo ngutu; va singako ni mhaka ni Msawuleki wa ka Israyeli, kambe kha va lavi Mkoma.

Mavingu 21:31

Dihantxhi di lulamiselwa ditshiku da yimbi, aniko kuxula kuta ngu ka Mkoma.

2 Makronika 32:8

Ene ani diwoko da nyama, kasi athu hi ni Mkoma Txizimu txathu, awu a hi vhunetelako kulwa tiyimbi tathu. Vathu va to tsaniswa ngu mapswi a Ezekhiya, mfumeli wa va ka Judha.

2 Makronika 14:11

Asa a to dila ka Mkoma, Txizimu txakwe, a txi khene: Mkoma, kha ngaho awu a kotako kuvhuna vathu va vo pwata mtamo, hi vhune Mkoma Txizimu txathu, nguko hi thembile awe, hi xomile yimbi ngu ditina dako ku yalwa ni vathu vava, Mkoma Txizimu txathu, kha ku na m'thu awu a kuxulako.

Masalmo 45:17

Ni na maha ti to ditina dako di alakanywa ka liveleko ni liveleko; ngu kumaha keto, vathu va na kudhumisa ngu ha ku si gwitiko.

Isaya 30:16

Aniko mi khanu: Ahim-him; hi na tutuma ngu mahantxhi; hambiko mi na tutuma; kambe mi khanu: Hi na gadha mahantxhi a livilo; ngu mhaka yeto, vatutumisi vanu, va na va ni livilo.

2 Makronika 13:16

Se vanana va ka Israyeli va to thava masoni ka va ka Judha, Txizimu txi va ningela manzani ka va ka Judha.

1 Samuwele 13:5

Se Vafilista va to sengeletana kasi kulwa ni Israyeli. Va ti ti ni 3.000 wa sikotxikani, ni 6.000 wa vagadhi va mahantxhi, ni vathu votala ku nga mtxhefa wa mambambe ka linene; kambe va to kwelela veya gova Mikimaxi, ngu didhawa da wutxani ka Bheti-Avheni.

2 Samuwele 10:18

Kambe Vasiriya va to tutuma masoni ka va ka Israyeli, se Dhavhidha a to daya 700 wa tsimbitisi va sikotxikani ni 40.000 wa vavamna va vagadhi va mahantxhi; e daya ni Sobhaki, mthangeli wa dibutho da yimbi e fela koneho.

2 Samuwele 8:4

Se Dhavhidha a to teka 1.600 wa vagadhi va mahantxhi ni 20.000 wa vavamna va tsimbilako ngu mikondo; Dhavhidha a to wila misiha ya otshe mahantxhi a sikotxikani, e siya o dingana 100 wa sikotxikani.

1 Samuwele 2:10

A va valwako ni Mkoma va na phwaraselwa; a na va dhindela a di nzumani; Mkoma a na lamula magwito a mafu, ni kuninga mtamo ka mfumeli wa ona, kambe a na guleta wukoma wa msawuleki wakwe.

Jobe 39:11

Mwendo u nga themba nyari, ngu mtamo wa yona wa hombe, mwendo u nga yi ninga mthumo wako kani?

Masalmo 28:8

Mkoma ngene i ku mtamo wa ngamu yakwe; ene wa lwela ni kuhanyisa mfumeli wu a nga msawula.