Masalmo 20:6 - Bhiblia Yo Sawuleka

⁶ Se na tiziva ti to Mkoma a na ninga kuxula ka mfumeli wu a nga msawula; ene wa mu angula a di nzumani kwakwe ko sawuleka, a txi mninga kuxula valala ngu mtamo wakwe.

Masalmo 20:6 Referans Kwoze

Masalmo 28:8

Mkoma ngene i ku mtamo wa ngamu yakwe; ene wa lwela ni kuhanyisa mfumeli wu a nga msawula.

Mithumo 5:31

Txizimu txi mu guletile ngu dianza da txona da txinene txi txi mu maha Mkoma ni Muhanyisi, kasi ku ta tulela Israyeli nzila ya kuhunduluka, ni kudivalelwa ka sionho.

Mithumo 4:10

ti na ziwe ngu nganu motshenu ni votshe vathu va ka Israyeli, ti to ngu ditina da Jesu Kristu, wa Nazareta, awule anu mi nga mu bethela, awule Txizimu txi nga mu wusa ngu ka vo fa, ni ti to ngu ditina deyo, m'thu wu a ku masoni kwanu a hanyile.

Matewu 6:9

“Ngu konaho, anu mi na khongelisa tiya: Tata wathu, u ku nzumani, ditina dako di na sawulwe,

Isaya 63:15

Wona na u di nzumani, se u wona na u di ka wukhalo wako wo sawuleka, ni kudhundeka. Txi hayi txiluse txako, ni mithumo yako ya mtamo kani? U nga thavise kwangu lirando la mndani kwako ni la wumbilu wako!

Masalmo 18:50

Txizimu txa ninga kuxula ka hombe ka mfumeli wa txona kambe txa komba lirando la hombe ka wule txi nga msawula, i ku Dhavhidha, ni lotshe liveleko lakwe kala kupinduka.

Masalmo 2:2

Vafumeli va mafu va wukile, vakoma va maha txikungo hagari kwawe txa kuwukela Mkoma Txizimu, ni kuwukela Mkoma wule txona txi nga msawula.

Mithumo 2:36

“Ngu konaho, ta laveka ti to yotshe nyumba ya Israyeli yi tiziva ngu ditshuri da kutsana timhaka tiya: Txizimu txi mwusile Mkoma ni Mesiya, ene Jesu Kristu wu anu mi nga mu gogotela ha txihambanoni.”

Isaya 58:9

Sekoko u na dila, kambe Mkoma a na kuxamula; u na peka huwa, se ene a na khene: “Ngani wuwa hawa.” Eto ti na maheka ngako u txi thavisa hagari kwako dikange, u leka kuxungametela ngu litiho, ni kuwombawomba ka manyala;

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Masalmo 41:11

Ngako mlala wangu asi ni xuli, ni na tiziva konako ti to wa ni tsakela.

Masalmo 18:35

Mkoma, awe wa ni ninga txitxhavangu txako txa ku ni vhikela, wa ni setela ngu dianza dako da txinene ni wunene wako wu ni ningile kuzumbiseka.

Masalmo 17:7

Komba kuxamalisa ka lirando lako, awe u hulukisako vale va thavelako mtamoni kwako.

1 Vafumeli 8:43

Engisa awe nzumaniyo txituluni hale u zumbako kona, u maha madingano ni kudila ka mluveli, kasi votshe vathu va ha mafuni ve ziva ditina dako, va txi na kuthava kufana ni vathu vako va ka Israyeli, va na tiziva kambe a ti to ditina dako da khumbukwa txitimwi ka nyumba yiya ni nga yi aka.

1 Vafumeli 8:30

Engisa kudila ka txithumi txako ni ka vathu vako va ka Israyeli, mbimo yi va khongelako ka wuwa wukhalo; kambe awe engisa, ka wukhalo wu u zumbako ka wona nzumani, engisa kambe divalela.

Mithumo 2:33

Se ngako a di guletilwe ngu diwoko da txinene da Txizimu, Jesu a amukete ka Tate txithembiso txa Moya wo Sawuleka, awu a nga wu rumela, nga ti mi ti wonako ni ku tiengisa.

Masalmo 9:15

Mahedheni ma hujumete ka diphala di ma ngadi kela; litshenga li va nga li riya li va bzwetile mikondo.

Mika 4:5

Nguko votshe vathu va na tsimbila, mmwani ni mmwani ngu ditina da txizimu txakwe, aniko athu hi na tsimbila ditinani ka Mkoma, Txizimu txathu, yotshe mbimo ngu ha ku si gwitiko.