Masalmo 20:5 - Bhiblia Yo Sawuleka

⁵ Hi na peka mikulungwani, hi txi tsakela kuxula kwako ngu ditina da Txizimu hi na gwimba mijeke. Mkoma a na ku ninge sotshe si u si navelako.

Masalmo 20:5 Referans Kwoze

Eksodha 17:15

Se Mosi a to aka txiluvelo e txi raya ditina daku “Mkoma m'jeke wangu.”

Masalmo 60:4

Se konkuwa ninga txikombiso ka vathu vako vo thembeka, kasiku ve sikota kuthava tingove.

1 Samuwele 1:17

Sekoko Eli a to xamula, a txi khene: “Tsula ngu kuthutha, Txizimu txa Israyeli txi na ku ninge si u si kombelako.”

Isaya 61:10

Ni na tsaka ngutu ka Mkoma, muhefemulo wangu wa tsakela Txizimu txangu, nguko txi ni ambekile syambalo sa kuhanyiswa, txi ni fenengeta didhamba da kululama, nga muwuti a ti mbombisako ngu so tshura, ni ku nga txiwutwa txi ti bombisako ngu siketiketi sa txona.

Isaya 25:9

Se ka ditshiku donedo, va na kha vona: Wonani Txizimu txathu, hi nga ti txi verela, txi na hi hulukisa; awuwa ngene Mkoma, wule hi nga txi m'verela; hi na m'guleta ni kutsaka, kuhanyisani kwakwe.

Luka 1:47

ni moya wangu wu tsakela Txizimu, Muhanyisi wangu,

Masalmo 118:15

Matendani ka vale vo lulama ku ni dipswi da kutsaka ka hombe ka kuhanyisa; “Dianza da txinene da Mkoma di hi hanyisile,

Masalmo 35:9

Ani na tala ngu litsako, nguko Mkoma a ni ningile kuxula.

Masalmo 13:5

Ani ni themba wumbilu wako; mbilu yangu yi tsakela kuhanyisa kwako.

Masalmo 9:14

kasi ni na sikota kuembelela wudhumo wako ni di Siyoni ni txi tsaka ngu kuwa u nga ni hulukisa.

Habhakuki 3:18

Hambi keto, ani na tsaka ka Mkoma; ni na guleta Txizimu txa kuhanyiswa kwangu.

Mika 4:5

Nguko votshe vathu va na tsimbila, mmwani ni mmwani ngu ditina da txizimu txakwe, aniko athu hi na tsimbila ditinani ka Mkoma, Txizimu txathu, yotshe mbimo ngu ha ku si gwitiko.

Masalmo 19:4

Aniko kunuwela ka sona ka hoka ka dotshe ditiko ni kuwombawomba ka sona kuhokile magemeta-mitshi ka mafu. Txizimu txi akete ditambo m'dhuti nzumani,

Isaya 11:10

Se ku na maheka tito, ka ditshiku donedo, matiko ma na wotisa ngu mtwi wa Jese, i ku wule wu no mahwa m'jeke wa vathu, se wukhalo wa kuhumula ka wona wu na va ni wudhumo.

Masalmo 21:1

Mfumeli wa tsaka mtamoni kwako, Mkoma, wa tsaka ngutu, nguko u mningile kuxula valala.

1 Samuwele 17:45

Kambe Dhavhidha a to khene ka Mufilista: Awe uta kwangu wu di ni ditxhari, ni mseve, ni txivhikelo; kambe ani ni ta kwako ngu ditina da Mkoma wa Mabutho a Tiyimbi, i ku Txizimu txa Mabutho a Tiyimbi a ka Israyeli, awule wu mruketelako.

Masalmo 21:3

U mu hingetile u txi mninga makatekwa u mu ambekile ha msungo kwakwe m'bhoti wa nzalama ya yinene.