Masalmo 20:3 - Bhiblia Yo Sawuleka

³ Txizimu txi na khumbule yotshe miningelo yako txi na amukele mhamba yako yo hiswa.

Masalmo 20:3 Referans Kwoze

Masalmo 51:19

Sekoko u na amukela ngu kutsaka timhamba ti i ku tona, timhamba to hiswa ni minigelo sotshe si na hiswa ngu mndilo. Konako ku na mahwa miningelo ya marole ha txiluveloni kwako.

Mithumo 10:4

Ene ngako a di yi woni a to dhuka ngu kuthava, a txi khene: “Nji txani txi kuho, kani Mkoma kani?” Ngelozi yi txi kwakwe: “Mikombelo yako ni wuha wako si hokile ka Txizimu, se txona txi ku alakanyile.

2 Makronika 7:1

Mbimo yi Solomoni a nga heta kukhongela, ku to txhika mndilo ngu nzumani u hisa mningelo wo hiswa ni miphaxo; se wudhumo wa Mkoma wu to tata nyumba.

Genesisi 4:4

Se Abhele nene a to ningela matiwula a tinvuta ta txibalani kwakwe, to nona. Mkoma a to wona ngu kutsaka Abhele ni mningelo wakwe;

1 Pedro 2:5

Nananu, kufana ni marigwi o hanya, mi fanete kuakwa, mi maha nyumba ya moya, ti to mi va vaphaxeli vo sawuleka, ava va humisako timhamba to tsakisa Txizimu, ngu Jesu Kristu.

Vaefesu 5:2

Se tsimbilani ngu lirando, kufana ni Kristu, na nanu vanani ni lirando, nguko Ene a mi randile. Ene a ti ningete apune ngu kota yathu, a txi ti maha gandelo ni mhamba yo bhumula ya kutsakisa Txizimu.

Isaya 60:7

Totshe tinvuta ta Kedhari ti na sengeletana hafuhi ni nawe, se tihamba ta Nebhayote ti na kuthumela; mi na kwela ngu kutsaka txiluveloni kwangu, se ani ni na dhumisa nyumba ya wudhumo wangu.

1 Makronika 21:26

Sekoko Dhavhidha a to aka koneho txiluvelo txa Mkoma, e ningela ka txona miphaxo ya kuhiswa ni miningelo ya kudikha, e dhana Mkoma, awule a nga mxamula ngu mndilo wa nzumani txitimwi ka txiluvelo txa mphaxo wa kuhiswa.

Levhi 9:24

Ngu masoni ka Mkoma, ku to huma mndilo wu wu nga hisa mningelo wo hiswa, ni mafura awa ma nga ti ngu txitimwi ka txiluvelo. Mbimo yi vathu va nga ti wona totshe tiya, va to kwangula ngu kutsaka va txi ti wisa hahatshi, ngu tikhohe tawe.

Masalmo 128:5

Mkoma a na ku katekise, a di mmangoni ka Siyoni! U txi wona kukateka ka Jerusalema, ka otshe masiku a kuhanya kwako.

Masalmo 134:3

Mkoma a na ku katekise a di Siyoni. Ene a nga maha nzuma ni mafu!