Masalmo 2:7 - Bhiblia Yo Sawuleka

⁷ Ni na huwelela txileleto txa Mkoma. Ene a ni gete, a txi khene: “Awe u mwanana wangu; nyamsi ni ku velekile.

Masalmo 2:7 Referans Kwoze

Vahebheru 5:5

Ngu toneto, Kristu nene hi nga ene apune a nga ti pfalisa, a txi ti maha Mphaxeli wa Hombe, kambe a to guletwa ngu wule a nga m'gela a txi khene: “Awe u Mwanana wangu, ni ku velekile nyamsi.”

Mithumo 13:33

Txizimu txi tatisile txithembiso txiya kwathu, vanana vawe, ngu kuwusa Jesu, nga ti ti nga bhaliswa tona amu ka dibhuku da Masalmo, va txi kha vona: ‘Awe u mwanana wangu, ni ku velekile nyamsi.’ ”

Matewu 3:17

Sekoko, kupfala dipswi da kuta ngu nzumani, di txi kha dona: “Awuwa i Mwanana wangu wo randeka, awu ni tsakiswako ngutu ngu ngene.”

Matewu 17:5

Ene a di ngadi a txi womba tiya, ku to humelela direfu do woninga, di nga va fenengeta, se direfuni mule ku to pfala dipswi, di di nga womba tiya: “Awuwa i Mwanana wangu wo randeka ngutu, awu ni tsakiswako ngutu ngu ngene. Mu engiseni!”

Masalmo 89:27

“Ani ni na mninga tifanelo ta mwanana wa matiwula; a na fuma txitimwi ka vafumeli va ditiko.

Varoma 1:4

aniko ngu ka Moya wo Sawuleka, a kombisilwe ti to i Mwanana wa Txizimu, ngu kuwuka kwakwe ngu ka vakufa, ene Jesu Kristu Mkoma wathu.

Johani 3:16

Nguko Txizimu txi kombile lirando ka vathu, ahawa txi nga za txi ningela Mwanana wa txona wa Mmweyo ekha, kufela ku, votshe va va no kholwa kwakwe, va si lovi, aniko va na mana wutomi wo mbi guma.

Johani 1:14

Dipswi di ti mahile m'thu, e aka hagari kwathu; hi wu woni wudhumo wakwe, wudhumo wu Tate a nga ninga Mwanana wakwe wa Mmweyo ekha, wo tala ngu makatekwa ni ditshuri.

Vahebheru 3:6

Aniko Kristu, a thembekile kota Mwanana, nyumbani ka txona Txizimu. Se Nyumba ya Txizimu ngu ngathu, ngako hi txi vekisa kutsana ko hetiseka ni kuthemba ko tsakisa.

Johani 1:18

Txizimu kha txi zivi kuwonwa ngu m'thu; Mwanana wa txona wa Mmweyo ekha, awu a ku kumweko ni Tate, ngene a nga hi zivisa ati Txizimu txi ku ngu tona.

Matewu 16:16

Simoni Pedro a to angula a txi khene: “Awe u Mesiya Mwanana wa Txizimu txi txi hanyako.”

Vahebheru 5:8

Ene, hambiko i ku Mwanana wa Txizimu, ka sixaniso sakwe, a gondile nzila ya kuengisisa.

Matewu 8:29

Vona va to peka huwa va txi kha vona: “I mhaka muni hi ku nayo ni nawe, Jesu Mwanana wa Txizimu kani? U tile hawa ku ta hi xanisa, yi sinzi kuhoka mbimo kani?”

Isaya 46:10

ni zivisa magwito kukhukhela makhatoni, ni kukhukhela kale ngutu atile ti sanziko kumaheka; ni ku khani: “Makungo angu ma na tsana, se ni na maha kotshe kuranda kwangu”;

Masalmo 148:6

Ene a vekile sotshe makhaloni ka sona kala kupinduka asi ningile mlayo, awu si tandekako ku wu eyisa!

Jobe 23:13

Se ngako Txizimu txi txi wukela wokari, sekoko i mania waku a nga txi jikisa kani? Ati ti lawako ngu moya wa txona, txi na maha toneto.

Mithumo 8:36

Se mbimo yile va nga txi tsimbila, va to hoka aha ku nga ti ni mati, se wule wa mthenwa, a to kha yona: “Hi nga wona, mati ndiya; ni nga tsivelwa ngu txani kubhabhatiswa kani?”

2 Samuwele 7:14

Ani ni na va tate wakwe, se ene a na va mwanana wangu; ngako a txo ndaka mlayo, ni na mtsayisa ngu ndonga ya vathu ni txisephu txa vanana va vathu.