Masalmo 2:5 - Bhiblia Yo Sawuleka

⁵ Sekoko a womba-womba navo a di henyile a txi va ninga kuthava ngu kuhenya kwakwe, a txi khene:

Masalmo 2:5 Referans Kwoze

Isaya 11:4

kambe a na lamula sisiwana ngu kululama, ni timhaka ta vale vo thutha ha mafuni, a na wila ngu kululama, a na peka mafu ngu donga ya txisofu txakwe, e fuvisa vabihi ngu kufuteta ka txisofu txakwe.

Mtuletelo 19:15

Ngu mkanani kwakwe kuhuma ditxhari do lotwa kasi kuwila mifumo ngu dona. Ngene a no yi gola ngu ndonga ya simbi ya wukoma: Ngene a no rukuta nzeka ya vhinya ya kuhenya ko thisa ka Txizimu txa mtamo wotshe.

Masalmo 21:9

U na va turisa kufana ni m'dhikila wa mndilo, aha u no ti wonekisa, Ngu kuhenya kwako, u na va fuvisa, mndilo wa txivavula wu na va heta.

Luka 19:27

Se valala vangu, ava va nga mbi ti lava ku ni va fuma, va tiseni hawa, mi va daya masoni kwangu.’ ”

Zakariya 1:15

Se ngu kuhenya ka hombe, na henyela matiko ale ma ku kuhumulani; nguko, mbimo yi ni nga ti ti swirwekile ka kudotho, ona ma to engetela wubihi.

Isaya 66:6

Dispwi da kudhinda ka hombe di nata ngu didhoropani, dipswi da dithepele, dipswi da Mkoma, di ningako hakhelo ka valala vakwe.

Mtuletelo 1:16

Ka dianza dakwe da txinene a ti ñote mtxhanu wa tinyeleti ni timbidi, ngu txisofuni kwakwe ku ti huma ditxhari do hinda, da kulotwa khe ni khe. Ni khohe yakwe yi ti khetima nga ditambo da mitshikari.

Matewu 22:7

Se mfumeli a di ti pfite eto, a to henya ngutu e ruma tiyimbi takwe kuya fuvisa sigevenga sile, ve hisa didhoropa da sona.

Masalmo 109:20

Mkoma a na tsayise nga toneto valala vangu, ni vale va wombawombako kubiha ngu ngani!

Isaya 34:2

Nguko kuhenya ka Mkoma ku txitimwi ka otshe matiko, ni txiviti txi txitimwi ka otshe mabutho a ona; ene a ma khundumusile do gwita, kambe asi ningete kudawani.