Masalmo 2:4 - Bhiblia Yo Sawuleka

⁴ Awule a zumbako nzumani wa va seka, Mkoma wa va tseketsela.

Masalmo 2:4 Referans Kwoze

Masalmo 37:13

Aniko Mkoma wa m'seka, nguko wa tiziva ti to masiku akwe ma komile.

Masalmo 59:8

Aniko awe, Mkoma, u na vaseka; u na va tseketsela votshe vamatiko.

Isaya 40:22

Ngene wule a nga khalahatsha txitimwi ka txiwumbulutwa txa mafu, awule kwakwe, ava va zumbako ha mafuni va fanako ni tihumbi; ngene a nawulutako nzuma yi txi nga m'jiyo, e yi gwimba ku nga ditenda, kasi kuve zumba ka dona;

Mavingu 1:26

se nani ni na mi seka ni ku mi poyilela kutimelani kwanu, na ku txi hoka ati ti no mi maha mi thava.

Masalmo 11:4

Mkoma a Nyumbani kwakwe ko sawuleka; Mkoma ana ni txikhalo txakwe txa wukoma nzumani, se ngu maso akwe ma wonako ta tinene, wa xayisa vathu kha kwati.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Masalmo 115:3

Aniko Txizimu txathu txi nzumani; txa maha totshe ti txi ti lavako.

Masalmo 53:5

Vona va na dhudhumela ngu kuthava, kambe ku si nga ho mhaka ya kuthava, nguko Txizimu txi na hangalasa marambu a vale va ku randelako. Awe u na va xula, nguko Txizimu txi va tshuralete.

Isaya 66:1

Mkoma a womba tiya: Nzuma njikhalo txangu txa wukoma, se mafu njikhigelo txa mikondo yangu. I nyumba muni mi no ni akela anu kani? Niku wukhalo wa kuhumula kwangu i ngava wuhi kani?

Masalmo 68:33

Ka wule tsimbilatsimbilako a di gadhile tinzuma ta tinzuma, kukhukhela kaleko! Wona taku wa rumela dipswi dakwe ni kuninga kudhinda ko thisa ngutu.

2 Vafumeli 19:21

Dipswi di a ngadi womba Mkoma ngu mhaka yakwe ngu diya: Wo tuma, mwanana wa Siyoni wa dihorana, wa kutxhipisa, wa kupoyilela; mwanana wa Jerusalema wa dihorana wa zinginisa msungo msana kwako.

Masalmo 59:9

Ni na va ni txi vhikelwa ngu ngawe, Txizimu txangu, nguko awe u m'vhikeli wangu wa hombe.

Masalmo 123:1

Ni gula maso angu ni txi wonetela awe, awe Mkoma, u zumbako nzumani.