Masalmo 2:2 - Bhiblia Yo Sawuleka

² Vafumeli va mafu va wukile, vakoma va maha txikungo hagari kwawe txa kuwukela Mkoma Txizimu, ni kuwukela Mkoma wule txona txi nga msawula.

Masalmo 2:2 Referans Kwoze

Matewu 26:59

Vaphaxeli va hombe ni dotshe dibanza va to lava wufakazi wa makuhu ha mmidi ka Jesu, kasiku e mana kudawa.

Matewu 27:1

Ngako di di txite, votshe vaphaxeli va hombe ni madhota a ditiko, va to tshangana ve maha txikungo txa kulenga Jesu, kasiku ve m'daya.

Masalmo 45:7

Awe u fanete kuranda kululama, u txi nyenya wubihi; ngu mhaka yeto, Txizimu, Txizimu txako, txi ku sawulete toneto hagari ka majaha kuloni txi kusawulekisa ngu mafura kasi ku kumaha mfumeli.

Mithumo 10:38

ti to Txizimu txi totile ngu Moya wo Sawuleka ni kutsanisa Jesu wa Nazareta; awu a nga tsimbila a txi maha ta tinene, e hanyisa votshe vale va nga ti xaniswa ngu Sathani, nguko Txizimu txi ti ni nene.

Mavingu 21:30

Kha ku nga ni wutxhari, hambi kupfisisa, ni sileleto, kasi kuwukela Mkoma.

Johani 1:41

Ene a thangile ngu mwanawe Simoni, a txi mu mana, se a txi mu gela ku khene: “Hi mmani Mesiya!” Ati ti wombako ku Kristu.

Masalmo 74:23

U nga divale miketo ya valala vako: Likwaha la vale va ku wukelako ditshiku ni ditshiku.

Masalmo 48:4

Vafumeli va pfananile, se votshe ve lwisa didhoropa.

Masalmo 2:10

Konkuwa koko anu vafumeli, txharihani; gondani, anu valamuli va vathu.

Johani 3:34

Awu a nga rumwa ngu Txizimu a womba-womba mapswi a Txizimu, nguko ngu txona txi nga mninga Moya i si nga ngu mpimo.

Masalmo 89:20

Ni mani Dhavhidha txithumi txangu; ni mmahile mfumeli ngu ku mtota mafura o sawuleka.

Masalmo 74:18

Alakanya, Mkoma, ti to mlala wa kuruketela ni vathu va sipumbu va poyilela ditina dako.

Eksodha 16:7

Mangwana ni mixo mi na wona wudhumo wa Mkoma, nguko ene a engisile ku m'ngungurukela kwanu. Nguko athu hi vamani aha koza mi txi hi ngungurukela kani?

Vahebheru 1:9

U randile wululami, u txi venga wubihi; ngu toneto, Txizimu, Txizimu txako, txi ku totile mafura a litsako kupinda votshe vangana vako.”

Johani 15:23

Awu a ni vengelako, a vengela ni Tate wangu.

Luka 13:31

Ka yoneyo mbimo, ku to bwaka vamwani Vafarisi kwakwe, va ta kha vona: “Khukha hawa u tsula, nguko Herodha a lava ku kudaya.”

Matewu 2:16

Sekoko, ngako Herodha a di woni ti to a kanganyisilwe ngu titxhari, a to henya ngutu, se e rumela kuya dayela votshe vanana va sizambiana va Bhetlehema ni va dotshe ditiko da kona, va tanga ya malembe mambidi ni kuya hahatshi, madingano ni mbimo yi a nga wotisisa ngu yona ka titxhari.

Isaya 61:1

Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;

Masalmo 110:5

Mkoma a maneka txineneni kwako; ngako ene a txi henya, a na ganyatela vafumeli.

Mithumo 9:4

Se a to wa hahatshi, e pfa dipswi di txi: “Sawule, Sawule, u ni xanisela txani?”

Matewu 26:3

Sekoko vaphaxeli va hombe ni madhota a ditiko va to tshangana digumani ka Mphaxeli wa Hombe a nga ti dhanwa ku i Kayifasi.

Masalmo 48:5

Vambe, va di di woni, va tate ngu kuxamala, se va to dhuka ve tutuma ve thava.

Masalmo 83:6

Ava va mahako tiya ngu Vaedhomi ni Vaismayeli, liveleko la Mowabhi ni la Agari,