Masalmo 2:1 - Bhiblia Yo Sawuleka

¹ Ngu kutxani mifumo yi txi wusa vhilinganya kani? Ngu kutxani vathu va txi aka makungo o mbi vhuna txilo kani?

Masalmo 2:1 Referans Kwoze

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

Masalmo 46:6

Matiko ma ngungurukela, mifumo ya gingiseka. Kambe Txizimu txi womba dipswi, mafu ma so bhandekela.

Masalmo 21:11

Valala va langanile kumaha kubiha ni ku kuwukela, va ni txikungo, aniko kha va na mbi sikota kumaha txilo.

Matewu 21:38

Aniko vadimi, mbimo yi va nga wona mwanana wakwe, va to langana va txi kha vona: ‘Awuwa ngene i ku m'dyi wa thomba. He m'dayeni, hi na sala ni thomba yakwe.’

Isaya 8:9

Mahani diguwa da kulwa, anu matiko, mi na funyeletelwa; riyani tinzeve motshenu va matiko a kule, tsanani, mi na phatulelwa, tsanani, mi na phatulelwa.

Masalmo 18:42

Ni na va kuya ve fana ni lithulu li huhiswako ngu diphuho, nava kandetela nga madhaka a hanzila.

Mithumo 5:33

Ngako va dibanza va txi engisa mapswi awa, va to henya ngutu, se ve langana makungo a ku va daya.

Luka 18:32

Nguko a na ningelwa ka vamatiko, vona va na mtseketsela, ve mruketela, ni ku mthurela.

Mithumo 16:22

Se dibutho di to va wukela: Valamuli va to va tshambula syambalo, ve ruma kuve pekwa ngu tindonga.

Luka 22:5

Vona va to tala ngu kutsaka, ve tumelelana ku mninga male.

Masalmo 46:7

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu.

Masalmo 57:9

Ni na ku bonga, hagari ka vathu, awe Mkoma, ni na kudhumisa ngu tindando hagari ka mifumo.

Masalmo 74:23

U nga divale miketo ya valala vako: Likwaha la vale va ku wukelako ditshiku ni ditshiku.

Masalmo 83:3

Va lukile marindi o wukela vathu vako, ve maha txikungo txo daya vale u va vhikelako.