Masalmo 19:8 - Bhiblia Yo Sawuleka

⁸ Sirumo sa Mkoma nzo lulama; sa ninga litsako mbiluni. Sirumo sa Mkoma nzo lulama; sa woninga mapimo.

Masalmo 19:8 Referans Kwoze

Masalmo 12:6

Mapswi a Mkoma i mapswi a ditshuri, ngu nga silivhela ya ditshuri, ayi yi nga basiswa nyundoni mtxhanu wa sikhati ni simbidi.

Masalmo 119:105

Dipswi dako i liwoningo la mikondo yangu, dilambu da nzila yangu.

Jeremiya 15:16

Timhaka tako ni ti mani, ngu tona i nga ti ti kudya kwangu; tona i ti ti litsako ni kuzilimuka ka mbilu yangu, nguko ni dhanwa ngu ditina dako, awe Mkoma, Txizimu txa Mabutho a Tiyimbi.

Mavingu 30:5

Otshe mapswi a Txizimu ngo Sawuleka; nzitxhavangu ka vale va thembako ka txona.

Masalmo 119:128

Ngu toneto, na dhunda sileleto sako na nyenya totshe tinzila ta makuhu.

Mavingu 2:6

Nguko Mkoma wa ninga wutxhari, kambe wuzivi ni mapimo sita ngu txisofuni kwakwe.

Masalmo 119:92

Idiku mlayo wako wu ti si ni tsakisi, nga ni di fite kale kupandisekani kwangu.

Masalmo 119:80

Mbilu yangu yi nave ya kuhetiseka ngu kuvekisa milayo yako, kasiku ni si wi tinganani.

Mavingu 6:23

Nguko txirumo ndilambu, se mlayo liwoningo, kambe kukawuka ko lulamisa i nzila ya wutomi,

Varoma 7:22

Nguko ni tsakela mlayo wa Txizimu ani ngu wutumbu wangu;

Vagalatiya 2:19

Kunene, ani ngu mhaka ya Mlayo, ni fite ka wona kasiku ni hanyela Txizimu. Ni bethetwe ha txihambanoni kumweko ni Kristu.

Varoma 3:20

Ngu koneho kha ku nga ni wammweyo a no manwa a di lulamile masoni ka txona ngu mithumo ya mlayo, nguko mlayo wu ninga kuziva txionho dwe.

Varoma 7:7

Hi na txani kani? Ina mlayo njionho kani? Lambi! Kambe idiku ku ti si nga ni mlayo, nga ni sa txi ziva txionho. Nguko ani nga ni sa ziva ti to kuho kunavela, idiku mlayo wu ti sa womba tito: “U nga navele to biha.”

Masalmo 119:16

Ni na tsaka ngu milayo yako; kha ni na mbi divala mithetho yako.

Masalmo 119:14

Na tsaka ngutu ngu kulondisa milayo yako kupinda kumana totshe tithomba.

Ezekhiyele 36:27

Kambe ni na thela moya wangu mndani kwanu, ni na maha ti to mi tsimbila ngu sileleto sangu, mi txi vekisa wululamo wangu, ni ku wu londeta.

Masalmo 119:171

Ni na embelela ndando ya ku kudhumisa, nguko awe u ni gondisile kuziva milayo yako.

Masalmo 119:143

Ni taletwe ngu kupandiseka ni sikarato; aniko milayo yako ya ni ninga kutsaka.

Masalmo 119:130

Txhamuselo ya mapswi ako ya tula maso, ya ninga mapimo ka sisiwana.

Masalmo 119:121

Ni xayisile mlayo ni kululama, u nga ni ningele manzani ka valala vangu.

Masalmo 119:40

Wona ti ni randisako tona milayo yako; ni hanyise, nguko awe u lulamile!

Masalmo 119:12

Bongwa, Mkoma! Ni gondise milayo yako!

Masalmo 105:45

kasiku ve vekisa milayo ya txona ni kuxonipha sileleto sa txona. Dhumisani Mkoma!

Masalmo 40:8

Ni tsaka ngutu ngu kumaha kuranda kwako, Txizimu txangu; Mlayo wako wu mndani ka mbilu yangu!

Masalmo 13:3

Ni wone, Mkoma, u txi ni xamula, Txizimu txangu; woninga maso angu, ti to ma si oteli wukohe wa lifo.

Eksodha 18:16

Ngako m'thu a di ni timhaka, ata kwangu, kasiku ni txi ta thethisa mmwani ni mmwani, se ni txi va kombisa milayo ya Txizimu ni mithetho ya kona.”

Genesisi 26:5

nguko Abrahamu a engisile dipswi dangu, kambe a veketile milayo yangu, sirumo sangu, ni sileleto sangu, ni mithetho yangu.”

Vagalatiya 3:21

Ngako i di toneto, Mlayo wu lwa ni sithembiso sa Txizimu kani? Lambi! Nguko, idiku ku ti ko ningwa mlayo vathu, awu wu sikotako kuhanyisa, kunene vathu va ndi na maha valulami ngu kuvekisa mlayo.

Isaya 64:5

Wa hingeta vale va tsakelako kumaha kululama, avale va ku alakanyako amu ka tinzila tako, wona taku, u hi henyete, nguko hi onhile;

Masalmo 119:54

Milayo yako ya ni ninga kuthula tindando, ka diya ditiko ani ni ku mpindi wa nzila.

Masalmo 119:24

Milayo yako ya ni tsakisa, ngu yona yi ni ningako wusungukati.

Nehemiya 9:13

U txhikile txitimwi ka mmango wa Sinayi, u womba-womba navo u di nzumani, u va ningile wululamo wa wunene ni milayo ya ditshuri, sileleto ni sirumo sa sinene.

Nehemiya 8:12

Sekoko, vathu votshe va to tsula veya dya ve sela, ve rumela sakudya ka vamwani, ve maha m'buso wa hombe, nguko va pfisisile mapswi ale va nga gelwa ona.

Dhewuteronome 16:14

kambe u na ti tsakela ka m'buso wako, awe, ni mwanana wako wa mfana ni wa dihorana, ni khumbi yako ya wamwamna ni ya wamsikati, ni Mulevhi, ni mluveli, ni wo felwa ngu vaveleki, ni noni, votshe vale va hanyako m'tini kwako.

Dhewuteronome 16:11

Se u na tsaka masoni ka Mkoma, Txizimu txako, awe ni mwanana wako wa mfana ni wa dihorana, ni khumbi yako ya wamwamna ni ya wamsikati, ni Mulevhi wule a hanyako didhoropani kwako, ni mluveli, ni wo felwa ngu vaveleki, ni noni, avale va hanyako kumweko ni nawe, mi na ya tsakela ka wukhalo wu wu nga sawulwa ngu Mkoma, Txizimu txako, kasi ku ditina dakwe di txi zumba kona.

2 Vafumeli 17:37

Se sileleto ni sirumo ni silayelo ni milayo yile a nga mi bhalela, mi na khatalela ku yi emela otshe masiku; kha mi na mbi thava simwani sizimu.

Masalmo 93:5

Mithetho yako, Mkoma, yi tsani ngutu, dithepele dako di hanelwa ngu wusawuleki kala kupinduka!

Masalmo 111:7

Totshe ti a ti mahako nda ditshuri ni kululama; milayo yakwe yi thembekile,