Masalmo 19:14 - Bhiblia Yo Sawuleka

¹⁴ Mapswi a txisofu txangu, ni mipimiso ya mbilu yangu ma na amukeleke masoni kwako Mkoma, awe dirigwi dangu ni mtxhatxhisi wangu.

Masalmo 19:14 Referans Kwoze

Masalmo 104:34

Ndando yangu yi na tsakise Mkoma, nguko ani ni tsakela ene.

Masalmo 51:15

Mkoma, tula txisofu txangu; kasiku ni na sikota kuhuwelela wudhumo wako.

Masalmo 119:108

Mkoma, engisa mkombelo wangu wa kubonga, ni gondise mithetho yako.

1 Pedro 2:5

Nananu, kufana ni marigwi o hanya, mi fanete kuakwa, mi maha nyumba ya moya, ti to mi va vaphaxeli vo sawuleka, ava va humisako timhamba to tsakisa Txizimu, ngu Jesu Kristu.

Mavingu 15:8

Mphaxo wa vaonhi njinyenyeko ka Mkoma, aniko a tsakiswa ngu mkombelo wa vo lulama.

Jobe 19:25

Nguko na tiziva taku Mtiruli wangu wa hanya, niku ngu kugwitisa a na ema txitimwi ka mafu.

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

Vahebheru 11:4

Ngu likholo, Abhele a mahile mhamba ka Txizimu, ayi yi amukelekako kupinda ya Kayini. Ngu mhaka ya yona mhamba yiya, ene a fakazetwe ngu Txizimu ku mbwo lulama, se ngu toneto a amukete mningelo wakwe. Ngu konaho ka lona likholo hambiko a nga fa, ene wa womba-womba.

Varoma 15:16

yo ni maha txithumi txa Jesu Kristu hagari ka vamatiko, ani ni nga sawulwa ni txi mahwa mthumeli wa Evhangeli ya Txizimu, kasiku vamatiko ve va i di mningelo wa kutsakisa Txizimu, na wu di basisilwe ngu Moya wo Sawuleka.

Isaya 47:4

Ditina da Mtiruli wathu, Mkoma wa Mabutho a Tiyimbi, Msawuleki wa ka Israyeli.

Vahebheru 13:15

Ngu ngene ahi ningeleni yotshe mbimo mhamba yo dhumisa Txizimu, ti ti wombako m'hando wa txisofu txi txi fakazako ditina dakwe.

1 Vatesalonika 1:10

mi txi verela Mwanana wa txona, wa kuta ngu nzumani, a nga wuka ngu ka vo fa, Jesu wu a nga hi hulukisa ha kuhenyelwani ka timbimo ti titako.

Isaya 44:6

Mkoma, Mfumeli wa Israyeli, i ku Mtiruli wakwe, Mkoma wa Mabutho a Tiyimbi, a khene: Ani ngani wo khata, kambe ngani wo gwita, hahanze kwangu, kha ku nga ni Txizimu.

Isaya 43:14

Mkoma, Mtiruli wako, i ku Msawuleki wa Israyeli, a womba tiya: Ngu mhaka ya ku mi randa, ni rumete valala Bhabhilona, se votshe ni na va maha ve relela kota vo tutuma, ni womba Vakaldheya, ka sitimela si va nga txi ti dhumisa ngu sona.

Isaya 54:5

Nguko M'vangi wako i mwamna wako; ditina dakwe Mkoma wa Mabutho a Tiyimbi; se Msawuleki wa Israyeli, ngene mtiruli wako; ene a na dhanwa ku Txizimu txa otshe mafu.

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.