Masalmo 18:43 - Bhiblia Yo Sawuleka

⁴³ U ni hulukisile ka vhilinganya ya ditiko u txi ni veka ni maha mthangeli wa mifumo; vathu vale ni si va ziviko va na ni thumela.

Masalmo 18:43 Referans Kwoze

Isaya 55:5

Wona taku, u na dhana ditiko dile u si di ziviko, se ditiko dile di si khaliko ku ku ziviko, di na tutumela kwako, ngu kuranda ka Mkoma, Txizimu txako, ni ka Msawuleki wa Israyeli; nguko ene a ku dhumisile.

2 Samuwele 3:1

Se ku to maneka kulwa ka hombe hagari ka nyumba ya ka Sawule ni ya ka Dhavhidha; kambe Dhavhidha a to simama e va ni mtamo, aniko nyumba ya ka Sawule yi to guma mtamo.

2 Samuwele 19:9

Se votshe vathu, ka totshe tihunzu ta ka Israyeli, va to kanetisana, va txi kha vona: Mfumeli a hi thavisile manzani ka valala vathu, e hi txhatxhisa manzani ka Vafilista; kambe konkuwa, a tutumile ditikoni ngu mhaka ya Abhisalome.

1 Pedro 2:10

anu kale mi nga si nga vathu, kambe konkuwa, se mi vathu va Txizimu, anu kale mi nga sinzi kudivalelwa, se konkuwa mi mani kudivalelwa.

Vaefesu 1:22

Hahatshi ka mikondo ya Kristu, Txizimu txi vekile sotshe simaha, kambe txi mmahile Msungo wa dotshe Dibanza,

Isaya 52:15

Ngu kumaha keto, a na xamalisa matiko o tala, ni vafumeli va na pwata ni txo ngu mhaka yakwe, nguko va na wona ni ti va sinziko kuziviswa, se ni tile va nga mbi tipfa, va na ti pima.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Varoma 16:26

aniko se wu nga sala kuwonekeliswa ngu Mibhalo ya Vaprofeti, nga tiya mlayo wa Txizimu txo mbi na magwito, wu nga lavisa tona, mlayo wu wu nga rurutelwa ka yotshe mifumo, kasiku yona yi txi londetela kukholwa.

Varoma 15:18

Nguko nga ni si tsani kuwomba txilo, hahanze ka tile Kristu a nga ti maha ngu ngani, ti to tisa vamatiko kuengisani, ngu mapswi ni mithumo,

Varoma 15:12

Kambe Isaya nene wa womba a txi khene: “Di na humelela diphasikela da Jese, i ku wule a telako ku ta fumela otshe matiko; se ona matiko ma na veka kwakwe txithembo txa ona.”

Mithumo 5:31

Txizimu txi mu guletile ngu dianza da txona da txinene txi txi mu maha Mkoma ni Muhanyisi, kasi ku ta tulela Israyeli nzila ya kuhunduluka, ni kudivalelwa ka sionho.

Hoseya 1:10

Ngu kumaha keto, mtengo wa vanana va ka Israyeli u na nga mtxhefa wa lineneni, awule wu si pimwiko mwendo kubalwa; se ku na maheka tito, ka wukhalo wu va nga gelwa ku kha vona: Anu kha mi nga vathu vangu, va na kha vona: Anu mi vanana va Txizimu txi txi hanyako.

Isaya 49:6

A to khene kambe: Ndidotho taku uva txithumi txangu dwe, kasi kuwusa tihunzu ta ka Jakobe, ni kuwuyisa misalelwa ya ka Israyeli; kambe ni ku vekile ku uva liwoningo ka vamatiko, kuva m'hulukisi wangu kala magwito ka mafu.

Masalmo 108:9

Mowabhi i mkamba wu ni sambelako ka wona; ni txitimwi ka Edhomi ni na kandetela ngu disandazi dangu, ni na giya ngu kuxula Vafilista.”