Masalmo 18:29 - Bhiblia Yo Sawuleka

²⁹ Kumweko ni nawe na sikota kulwa ni valala; ngu mhaka ya mtamo wako ni na ndaka tibhiyo.

Masalmo 18:29 Referans Kwoze

2 Samuwele 22:30

Nguko ni nawe na sikota kupinda hagari ka valala, ngu Txizimu txangu ni na ndaka diguma.

Mtuletelo 3:21

Ka wu a xulako ni na mninga kateko yo khalahatsha kumweko ni nani ha txikhaloni kwangu ka wukoma, kufana ni nani ni nga xula, se ni nga khalahatsha kumweko ni Tate wangu ha txikhaloni kwakwe ka wukoma.

Vakolosa 2:15

Kristu a fuvisile mtamo wa mimoya ya wunduna ni wukoma, e yi xowokisa masoni ka vathu, e yi xula ko gwitisa ngu txihambano.

1 Vakorinto 15:10

Kambe konakuwa, ngu mtamo wa kateko ya Txizimu ni phindukile ni maha txi ni ku txona, kambe kateko yiya Txizimu txi nga ni ninga, kha ya maha txifule; nguko ni thumile ngutu kupinda vona votshe; kasi mweno hi nga ani, kambe i kateko ya Txizimu yi yi ku ni nani, yi nga thuma tona.

Masalmo 144:10

Awe u ningako vafumeli mtamo wa kuxula, u ponisako txithumi txako Dhavhidha, ka ditxhari di dayako

Masalmo 144:1

A na dhumiswe Mkoma i ku dirigwi dangu! Awu a gondisako manza kulwa, ni titiho tangu kuya yimbini.

2 Samuwele 5:25

Se Dhavhidha a to maha nga tile Mkoma a nga mleletisa tona; a to dayela Vafilista kukhukhela Gebha kala Gezeri.

1 Samuwele 23:2

Se Dhavhidha a to wotisa ka Mkoma, a txi khene: Ina ani ni tsula kuya xasela Vafilista vava kani? Se Mkoma a to khene ka Dhavhidha: Tsula u ya xasela Vafilista u lamulela didhoropa da Keyila.

1 Samuwele 30:8

Sekoko Dhavhidha a to wotisa ka Mkoma a txi khene: Ina ni nga wulondeta mtxawa wuwa wa masotxhwa kani? Ina na wu mana kani? Se Mkoma a to m'gela ku khene: Wu londete, nguko ngu ditshuri u na wu mana kambe u txhatxhisa sotshe.

1 Samuwele 17:49

Se Dhavhidha a to wuletisa dianza amu ka mrava, e teka dirigwi, e di rinza ngu txibhalakaza, e faya Mufilista ha ka mbanza; se dirigwi di to nyuvela amu ka mbanza, e wa hahatshi ngu khohe yakwe.

Jobe 29:3

Mbimo yile txi nga ti ti phatimisa dilambu da txona ha msungo kwangu, se ani, ngu liwoningo la txona, ni ti ti tsimbila mtemani;

Masalmo 27:1

Mkoma ngene kuwoninga kwangu ni kuhanyisa kwangu. Ni nga thava mani kani? Mkoma i mkhokhola wa kuhanya kwangu. Ni nga dhukiselwa ngu mani kani?