Masalmo 18:2 - Bhiblia Yo Sawuleka

² Mkoma, dirigwi dangu, ni mkhokhola wangu wo tsana, kambe mtxhatxhisi wangu; Txizimu txangu mkhokhola wangu, buthavelo wu ni thembako wona; njitxhavangu txangu, mtamo wa kuhanyiswa kwangu, wuthavelo wangu wa hombe.

Masalmo 18:2 Referans Kwoze

Masalmo 144:2

Ene i Mthaveleli wangu, mkhokhola wangu, wuthavelo wangu; ngena mtiruli wangu ni m'vhikeli wangu, awu ni thembako kwakwe; ngene a ni ningako mtamo wa kufuma vathu.

Masalmo 62:7

Kuhanyiswa kwangu ni wudhumo wangu si ka Txizimu; txona m'vhikeli wangu ni wuthavelo wangu.

Masalmo 91:2

Ni na khani: Mkoma Ngene Txizimu txangu, mbuthavelo wangu, mkhokhola wangu, ni na themba kwakwe!

Masalmo 19:14

Mapswi a txisofu txangu, ni mipimiso ya mbilu yangu ma na amukeleke masoni kwako Mkoma, awe dirigwi dangu ni mtxhatxhisi wangu.

Mavingu 18:10

Ditina da Mkoma dinera do tsana, mlulami a na tutumela ka dona, eya ti khongelela a di txitimwi.

Masalmo 62:2

Txizimu ngu txona txokha i ku m'vhikeli wangu ni Muhanyisi wangu. Kha ni na mbi dekadekiswa, nguko txona mbuthavelo wangu.

2 Samuwele 22:3

Txizimu dirigwi dangu, ni na themba ka txona. Txitxhangu txangu, ni mtamo wa kuhanyiswa kwangu, dikhokhola dangu ni wuthavelo wangu. Awe Mhanyisi wangu, u ni hanyisile ka vale va ni xanisako.

Jeremiya 16:19

O Mkoma, dikhokhola dangu, ni mtamo wangu, ni wuthavelo wangu ngu ditshiku da kuxaniseka! Matiko ma nata kwako ngu magwito ka mafu, ma txi ta kha ona: Vatate vathu thomba yawe i ti ti makuhu ni kutikulisa dwe, si nga si vhuni txilo.

Isaya 32:2

Se wamwamna wule a na fana ni txivhikelo txo vhikela moya, a na nga wuthavelo ka txihuhuri, ni ku nga lidhonga la mati ka makhalo a kuoma, ni mtsudi wa dirigwi da hombe ka ditiko da txihala.

Masalmo 91:4

Mkoma a na kufenengeta ngu mitenga yakwe, hahatshi ka tibhapi takwe u na maneka u di tsani; ditshuri dakwe njitxhavangu ni txitsaniso!

Vahebheru 2:13

Se a txi khene kambe: “Ni na veka kwakwe kuthemba kwangu.” Se a txi engeta kambe a txi khene: “Ngani wuwa, ni vanana vava Txizimu txi nga ni ninga.”

Mavingu 2:7

Avale vo lulama, ene wa va vekela wutxhari wa ditshuri; txitxhavangu nja vale va tsimbilako ngu kuthembeka,

Masalmo 28:1

Ni na kwangula kwako, Mkoma, awe dirigwi dangu; u nga tsive tinzeve ka mkombelo wangu. Ngako awe u si ni engisi, ni na fana ni vale va relelako mathowoni.

Masalmo 59:11

Mkoma, u nga va daye, kasiku vathu vangu va si divali; va hangalase u txi va xowokisa ngu mtamo wako. Mkoma, awe u m'vhikeli wathu!

Masalmo 75:10

Txona txa haxula mtamo wa vabihi, aniko txa engetela mtamo wa vavanene.

Masalmo 132:17

Konaho ni na wusa mtamo wa mfumo wa Dhavhidha, konako ni na humelelisa liwoningo la mfumeli wu ni nga msawula.

Eksodha 15:2

Mkoma mtamo wangu ni ndando yangu; ngene a nga ni hanyisa; ene ngene Txizimu txangu; ngu mhaka yeto ni na muakela nyumba; ngene Txizimu txa tate wangu; ngu mhaka yeto, ni na m'dhumisa.

Masalmo 116:1

Na mranda Mkoma, nguko a engisile dipswi da mkombelo wangu.