Masalmo 18:15 - Bhiblia Yo Sawuleka

¹⁵ Ku to woneka hahatshi ka linene makhato a mafu ma txi vhunungulwa, mbimo yi di nga pfala dipswi dako do thisa, Mkoma, ni m'hefemulo wa tithonvu tako.

Masalmo 18:15 Referans Kwoze

Masalmo 106:9

Txizimu txi kawukile Linene lo Bhilivila, se linene li txi phwa. Txi va txhatukisile ngu ha kuetani ka linene, va txi nga vo tsimbila txiwulani.

Eksodha 15:8

Ngu kufuteta ka moya wako mati a linene ma to abaneka; mavimbi ma to ema ma txi maha maguma; mati ale ma khulungako ma to ema ma txi banga.

Mika 6:2

Engisani anu mimango dizunga da Mkoma, ni nanu makhato a mtamo a mafu; nguko Mkoma a ni dizunga ni vathu vakwe, se a na thethisana ni Israyeli.

Jeremiya 31:37

Mkoma a ti khene: Ku txi koteka kupimwa kudemba ka tinzuma, ni kutumbulwa kutshima ka sitshuwa sa mafu, nani ni na lamba yotshe mbewu ya ka Israyeli, ngu totshe ti va nga ti maha, kuwomba Mkoma.

Masalmo 104:5

U vekile mafu txitimwi ka makhato o tsana, kasiku me zumba ma di tsani.

Masalmo 76:6

Ngako awe Txizimu txa Jakobe, u txi va dhusa, sikotxikani sawe ni mahantxhi awe sa ema.

Jobe 4:9

Va loviswa ngu kuhefemula ka Txizimu; kambe va hetwa ngu kufuteta ka kuhenya ka txona.

2 Samuwele 22:16

Kambe ku to humelela kutshima ka linene, makhato a mafu ma to vhunungulwa, ngu kudhusa ka Mkoma, ni kufuteta ka moya wa tithonvuni kwakwe.

Masalmo 74:15

U khulongisile sisima ni milonga u txi womisa minambo ya mati a mtamo.

2 Vafumeli 19:7

Wona ati to ni na thela moya kwakwe, se ene a na pfa diguwa, a na tshumelela ditikoni kwakwe; ngu ditxhari ni na mmaha ewa ditikoni kwakwe.

Jona 2:6

Ani ni relete kala kuya hoka makhatoni ka mimango, matimba a tisimbi a ha mafuni ma tutumile, me ta ni tsivela do gwita; aniko awe u txhatxhisile wutomi wangu kutimelani, Awe Mkoma, Txizimu txangu!

Isaya 11:4

kambe a na lamula sisiwana ngu kululama, ni timhaka ta vale vo thutha ha mafuni, a na wila ngu kululama, a na peka mafu ngu donga ya txisofu txakwe, e fuvisa vabihi ngu kufuteta ka txisofu txakwe.

Isaya 30:33

Nguko txikho txi lulamisilwe kukhukhela nyamnova, ina, kululamisetwe mfumeli; ene a lulamisile ngu kutshimisa ni kuanamisa; mtamo wakwe mndilo, kambe wu ku ni tikhuni to tala; kufuteta ka Mkoma ko fana ni ka mnambo wa txivavula, ku na txi dhivela.

1 Samuwele 7:10

Se ku to maheka taku, ngako Samuwele a txi ngadi e maha mningelo wa kuhiswa, Vafilista va to bwaka ve ta lwa ni va ka Israyeli; se ka ditshiku dile, Mkoma a to dhinda ngu kudhinda ka hombe txitimwi ka Vafilista, e va vhinganyisa ha koza ve xulwa masoni ka vanana va ka Israyeli.

Jobe 36:32

Txa fenengeta liwoningo ngu manza, txi txi li tsimba ku ma tshawunyeta.

Masalmo 77:18

Kudhuma ka singwalangwanda sako ku to pfala txitimwi kukeluka ka nzuma ku to woningeta ditiko dotshe; mafu ma to dekadeka ma txi dhudhumela.

Masalmo 92:10

Ani u ni ningile mtamo wa nyari; u ni katekisile ngu ku ni tota mafura o bhumula ha msungo.

Masalmo 144:6

Dhindisa tinyangafula tako u txi va tshatulela; khwinza tingove tako u txi va hangalasa ve thava.

Zakariya 9:14

Mkoma a na wonwa txitimwi kwawe, tingove takwe ti na huma kufana ni nyangafula; Mkoma Txizimu a na pfalisa mpundu, kambe a na tsimbila ni sihuhuri sa Wulambe.