Masalmo 18:13 - Bhiblia Yo Sawuleka

¹³ Mkoma a to dhinda a di nzumani, Nyatxitimwi a huwelete ngu dipswi dakwe.

Masalmo 18:13 Referans Kwoze

Masalmo 104:7

aniko awe u ma kawukile, se ona me thava, se ma di engisile kudhinda ka dipswi dako, ma to kuluveta me phwa.

1 Samuwele 7:10

Se ku to maheka taku, ngako Samuwele a txi ngadi e maha mningelo wa kuhiswa, Vafilista va to bwaka ve ta lwa ni va ka Israyeli; se ka ditshiku dile, Mkoma a to dhinda ngu kudhinda ka hombe txitimwi ka Vafilista, e va vhinganyisa ha koza ve xulwa masoni ka vanana va ka Israyeli.

Masalmo 140:10

Makala a mndilo ma nawe txitimwi kwawe, va na rinzwe mndiloni, ka maphalani o tshima, kasi ku va siswi ve wuka kambe.

Mtuletelo 19:6

Msana keto, ni to engisa txo nga diguwa da dibutho da hombe, do fana ni diguwa da mati o tala, ni kudhinda ka singwalangwanda sa hombe, va txi kha vona: “Haleluya! Nguko Mkoma Txizimu txathu txa mtamo wotshe se ngu txona txi fumako.

Mtuletelo 8:5

Se ngelozi yi to teka txiwungelo yi txi tata ngu mndilo wa ha txiluveloni, yi txi vinza ha mafuni: Msana keto, ku to dhinda singwalagwanda, kupfala tihuwa, kukeluka nzumani ni kutsekatseka ka mafu.

Mtuletelo 4:5

Ngu ka txikhalo txile txa wukoma, ku ti ti huma kuphatima, mapswi ni singwalangwanda; se masoni ka txikhalo txa wukoma ku ti tura mtxhanu wa misanje ni yimbidi ya mndilo: I ku mimoya ya mtxhanu ni yimbidi ya Txizimu.

Johani 12:29

Dibutho da vathu va va nga ti konaho, va di pfite toneto, va to kha vona: “Txingwalangwanda.” Vamwanyani va txi kha vona: “I ngelozi, yi nga bwabwata nayo.”

Habhakuki 3:5

Masoni ka txona ku ti ti thangela mtungu, ni miseve ya mndilo hahatshi ka mikondo ya txona.

Ezekhiyele 10:5

Se diguwa da tibhapi ta makerubhima di to pfala kala ka muhubhe wa hahanze, kufana ni dipswi da Txizimu txa Mtamo-wotshe txi txi womba-womba.

Masalmo 78:48

Txi dayetete tihomu tawe ngu maralala ni tinvuta tawe ngu tinyangafula.

Jobe 40:9

Mwendo u ni diwoko do nga da Txizimu, mwendo u nga bhonga ngu dipswi nga da txona kani?

Dhewuteronome 32:24

Va na guma mtamo ngu nzala, ve guma ngu sindeyandeya ni mitungu yo karata ngutu, ni na rumela sihari sa txitinga si txi va kakatxulela ngu makwasa, ni wuxungu wa minyoka, yi tsimbilako lithuluni.

Eksodha 20:18

Vathu votshe va to engisa kudhuma ka singwalangwanda, kukeluka, kutuma ka mpundu ni kutuvika ka mmango, vathu va to telwa ngu dizowa, va txi manekela kule.

Eksodha 9:24

Se ku ti ti ni maralala ni mndilo wo patana ni maralala. I ti a mtamo ngutu, aale ma si ziviko ka nga wa o fana nawo, mu ditikoni ka Egipta, kukhukhela kukhatani ka ditiko da Egipta.

Joxuwa 10:11

Se ku to maheka taku, mbimo yi va nga ti thava masoni ka va ka Israyeli, mkovani ka Bheti-Horoni, Mkoma a to wisa ngu nzumani marigwi a hombe txitimwi kwawe kala kuhoka Azeka, aha va nga mbambamela kona. Mbavangi ngutu avale va ngafa ngu marigwi a maralala kupinda avale va nga dawa ngu matxhari a vanana va ka Israyeli.

Masalmo 11:6

Mkoma a na wisa txitimwi ka vabihi makala o tura, mndilo ni txivavula, a na wuyisa diphuho do hisa. Ngu txona txyavelo txi txi va lumbako.