Masalmo 17:4 - Bhiblia Yo Sawuleka

⁴ Kha na maha kubiha nga ti vathu va mahako; ani ni ti vhikete ka tinzila ta vathu va tshofu, ngu kuxonipha sileleto sako.

Masalmo 17:4 Referans Kwoze

1 Pedro 5:8

Ti pimelani, mi txi ti wonela; nguko Sathani, mlala wanu, wa mi horolokela nga ngonyamo yi yi bhongako, yi txi lava wo m'kakatxula.

1 Vakorinto 3:3

nguko mi ngadi vathu va ha mafuni dwe. Nguko mibango ni kuphikizana kuwa ku kuho hagari kwanu, ina hi nga kuwa mi ku ngadi vathu va ha mafuni dwe, mi hanyisako wuthu kani?

Mtuletelo 12:11

Kambe vona va mu xute ngu mhaka ya mnoha wa Txinvutana ni ngu mhaka ya dipswi di va ngadi fakazela, nguko kha va khatala ngu wutomi wawe kala kufani.

Jakobe 1:18

Ngu kuranda kwakwe ene, a hi velekile ngu dipswi da ditshuri, kasi ku hi txi maha matiwula a siwumbwa sakwe.

Vaefesu 6:17

Amukelani kuhanyiswa ku txi maha txidgoko txanu ha msungo, se dipswi da Txizimu di txi maha ditxhari danu da Moya.

Johani 17:17

Va sawulekise ngu ditshuri. Dipswi dako ngu dona ditshuri.

Matewu 4:10

Se Jesu a to khene: “Khukha Sathani! Ti bhatwe tito: ‘U na khizamela Mkoma Txizimu txako, ngene ekha u no m'khozela.’ ”

Matewu 4:7

Se Jesu a to mxamute a txi khene: “Ti bhatwe kambe va txi kha vona: Khu na mbi duka Mkoma Txizimu txako.”

Matewu 4:4

Aniko Jesu a mu xamute a txi khene: “Ti bhatwe tito: ‘M'thu kha na kuhanya ngu dipawu dwe, aniko ngu otshe mapswi awa ma wombwako ngu Txizimu.’ ”

Mtuletelo 9:11

Humbiyo yi ti fumwa ngu ngelozi ya diphala do hokoma, ditina da yona yi dhanwako ku i “Abhadhoni” ngu Txihebheru ni ku i “Apoliyoni” ngu Txigriki.

Jobe 31:33

Se ngako ni di khubhunyetile sihambunyeto sangu ngako ni ku m'thu, ni sisa tingana tangu masoni kwangu,

Jobe 15:16

Ti mahisa kutxani taku m'thu e ti nyenyezisa ni kuva ni manyala, e sela wubihi ku nga mati kani?

Genesisi 6:11

Ditiko di ti tate ni kubiha masoni ka Txizimu, ni kuva di ti tate ni wugevenga.

Genesisi 6:5

Se Mkoma Txizimu a to wona tito, kubiha ka vathu ka anda ha mafuni, ni ti to mipimiso ya timbilu tawe yi va yisa kubihani yotshe mbimo.

1 Samuwele 26:9

Se Dhavhidha a to khene ka Abhixayi: U nga mmahe txilo; nguko i mani a nga guletako diwoko dakwe ka msawuleki wa Mkoma asi mani mnandu kani?

1 Samuwele 26:11

Mkoma a na ni xayise ku ni si guleti diwoko dangu ni daya wule a nga totwa wa Mkoma, kambe konkuwa, teka mseve wu wu ku misungoni kwakwe ni ngoto ya mati hi tsula.