Masalmo 17:13 - Bhiblia Yo Sawuleka

¹³ Khukha u txi ema, Mkoma! Va hinge u txi va dikha hahatshi! Ni hulukise ngu ditxhari dako, ka vathu va kubiha;

Masalmo 17:13 Referans Kwoze

Masalmo 44:26

Khukha u txi ta hi vhuna; hi xangute ngu kurando ka wumbilu wako.

Masalmo 44:23

Vhumuka! Ngu kutxani u otelako kani Mkoma? Wuka! U nga hi leke kala kupinduka!

Masalmo 7:6

Khukha u txi ema, ngu kuhenya kwako, Mkoma, u txi ni vhikela ka tshofu ya valala vangu. Wuka, Txizimu txangu, u txi womba awu a ku ni mnandu.

Masalmo 3:7

Ngono, Mkoma, Txizimu txangu, u ta ni hulukisa, awe u pekako valala vangu mathamani awe u khunulako makwasa a va vakubiha.

Mithumo 4:28

Ngu konaho vona va mahile totshe ti u nga ti emisa ngu kale ngu diwoko dako ni kuranda kwako, ti to ti na maheka.

Masalmo 22:20

Hulukisa wutomi wangu ka ditxhari; u nga leke timbwa ti txi ni daya.

Habhakuki 1:12

Ina hi nga awe yotshe mbimo Mkoma, Txizimu txangu, ni Msawuleki wangu kani? Athu kha hi na mbi fa. Awe Mkoma, u m'vekete kumaha mlamuli, kambe awe Dirigwi, u mmahile makhato a txi tsayiso.

Isaya 51:9

Vhumuka, vhumuka, ti ambeke mtamo, awe diwoko da Mkoma; vhumuka kufana ni masiku ale ma nga pinda, kufana ni ka tiveleko ta kale; ina hi ngawe u nga wilela Rahabhi ngu sitxuwu, ni kudaya mwamilambo kani?

Isaya 37:26

Ina u ngava u sa tipfa taku, ngu kale ni ti mahile toneto, niku kukhukhela masiku a kale ni ti ti pimisile kani? Konkuwa koko ti na tatiseke, kambe ani ni lavile ti to i di awe u ku ta khundumusa madhoropa a mtamo, niku u txi ma maha mimumbu ya siwula.

Isaya 13:5

Se va ta ngu ditikoni da kule, magwito ka nzuma, i Mkoma ni matxhari a kuhenya kwakwe a tako kuta xasela ditiko dotshe.

Isaya 10:15

Ina ditxhapu di nga ti dhumisa ka wule a gangako ngu dona kani? Ni disaho di nga ti kulisa ka wule a sahako ngu dona kani? Ku txi nga mtxheketelo wu nga zinginisa avale va wu guletako, mwendo ndonga yi nga guleta wule i singako phande!

Isaya 10:5

Dikhombo ka Asiriya, ndonga ya kuhenya kwangu! Nguko txiviti txangu txi fanana ni ndonga manzani kwakwe.

Masalmo 119:126

Mkoma, njikhati txako txa kuthuma; vona va nyenyile mlayo wako.

Masalmo 10:12

Khukha u txi ema, Mkoma, va tsayise! U nga divale sikulungu!

Masalmo 94:16

I mani a no ema ni nani hilwa ni siphukuphuku kani? I mani a no ema ni nani hilwa ni vale va mahetelako kubiha kani?