Masalmo 17:1 - Bhiblia Yo Sawuleka

¹ Engisa, Mkoma, kululama ka mhaka yangu, engisa huwa yangu! Engisa mkombelo wangu, wu huma txisofuni kwangu ko mbi xengetela.

Masalmo 17:1 Referans Kwoze

Masalmo 142:6

“Engisa kudila kwangu, nguko se ni gumile mtamo; ni hulukise ka vale va ni xanisako, nguko va na ni mtamo kupinda ani.

Masalmo 61:1

Engisa huwa yangu, awe Txizimu, u amukela txikhongelo txangu!

1 Johani 3:21

Vorandeka, ngako mbilu yi si hi mangali, hi na ni txithembo ka Txizimu;

Matewu 15:8

‘Avava vathu va ni dhumisa ngu sisofu sawe; aniko mbilu yawe yi kule ni nani.

Masalmo 145:18

Mkoma a hafuhi ka votshe vale va m'dhanako; ka votshe vale va m'dhanako ngu ditshuri.

Isaya 29:13

Nguko Mkoma a ti khene: Vathu vava koko va tshuketa hafuhi ni nani, se va ni dhumisa ngu sisofu, aniko timbilu tawe ti kule ni nani, ni txithavo txawe kwangu, nja kulondeta milayo ya vathu dwe, ayi va nga gondiswa yona;

Masalmo 142:1

Ni dite ka Mkoma ngu dipswi dangu ngu dipswi dangu ni khongete ka Mkoma.

Masalmo 140:12

Na tiziva ti to Mkoma, na emela mhaka ya wule wo tsindavetwa kumweko ni madingano a txikulungu.

Masalmo 86:1

Ni engise, Mkoma, u txi ni xamula, nguko na xaniseka, ni txisiwana.

Masalmo 66:19

Aniko Txizimu txi ni engisile txi engisile mkombelo wangu.

Masalmo 43:1

Ni lamulele, Txizimu txangu; u txi ni lwela ka vathu va vo biha, va kwa mbi na wukhongeli! Ni hulukise ka vathu va makuhu, vo kanganyisa.

Masalmo 18:20

Mkoma a ni xayisile madingano ni kululama kwangu, ene wa ni txhatxhazela madingano ni kululama ka mahanyelo angu,

Masalmo 7:8

Mkoma, ngawe u lamulako vathu. Ni lamule, Mkoma, madingano ni fanelo yangu ni lamule madingano ni hawa ni ku si nga ni mnandu, awe Nyatxitimwi.

2 Makronika 7:15

Konkuwa, maso angu ma na tuleka ni tinzeve tangu ti na engisa mikombelo yi yi no mahwa ka wukhalo wuwa.

Masalmo 5:2

Engisa huwa yangu, awe Mkoma wangu ni Txizimu txangu, nguko ani ni tisa kwako mkombelo wangu.

Johani 1:47

Jesu a to wona Nathaniyele a txi mu tela, se e womba ngu ngene, a txi khene: “Ndiyo Muisrayeli wa ditshuri, awu kwakwe, ku kuwalo kukanganyisa.”

Masalmo 18:44

Ngu kupfa dipswi dangu, va na ni engisa; Vamatiko va na khoza kwangu.

Nehemiya 1:6

Ti na pfisise koko tinzeve tako, ni maso ako ma na tuleke, kasi ku u engisa mkombela wa txithumi txako, awu ni wu mahako masoni kwako, wusiku ni mitshikari, ngu vanana va ka Israyeli, sithumi sako; kambe na ti veka hahatshi ngu mhaka ya sionho sa vanana va ka Israyeli, si hi nga kuonhela ngu sona; hambi ani ni nyumba ya tate wangu hi onhile.

Jeremiya 3:10

Hambi keto, Judha, ndiyakwe wo mbi thembeka, kha wuya ngu mbilu yakwe yotshe, aniko ngu wuviyaku, kuwomba Mkoma.”

2 Samuwele 22:24

Kambe ni vi m'thu wa ditshuri masoni kwakwe, aniko ni tivhikela ka tinzila to biha.

Jobe 16:17

hambiko ku singako ni kulwa manzani kwangu, ni mkombelo wangu wu nga mbi sawuleka.

Masalmo 54:4

Aniko Txizimu i mwemeli wangu; Mkoma ngene a ni ningako wutomi.

Masalmo 55:18

Ene a hulukisile ngu kudikha moya wangu ka vale va nga txi ni lwisa, nguko i ti vavangi avale va nga ti ni lwisa.

Masalmo 61:2

Ni di magwito ka mafu, na peka huwa kwako, ngu mbilu yangu yo rereka. Ni veke txitimwi ka dirigwi do lapha ngutu ku ni pinda.

Masalmo 84:9

Awe Txizimu, katekisa mfumeli wathu, awu a nga sawulwa ngu ngawe.

Masalmo 86:6

Mkoma, engisa mkombelo wangu, amukela huwa ya txikombelo txangu!

Masalmo 88:3

Ni karate ngu kuxaniseka ngutu, ni maneka hafuhi ni kufa.

Masalmo 102:2

U nga ni sisele khohe yako, mbimo yi ni ku kupandisekani; siza u txi engisa kuvilela kwangu! Kuluveta u txi ni xamula, ngako ni txi kudhana!

Masalmo 143:1

Mkoma, engisa mkombelo wangu! Riya nzeve upfa kuvilela kwangu; ni pfisise madingano ni ditshuri dako, ni wululami wako!