Masalmo 16:3 - Bhiblia Yo Sawuleka

³ Vasawuleki va va ku ha mafuni, ava va xamalisako ngu mtamo wawe, ngu vona va ni tsakisako.

Masalmo 16:3 Referans Kwoze

Vahebheru 6:10

Nguko, Txizimu kha txi nga ni tshofu. Kha txi na kudivala mthumo wanu, ni lirando li mi nga li kombisa ka ditina da txona anu mi nga thumela vasawuleki va txona, avava ni konkuwa, mi va thumelako.

Mavingu 13:20

Hanya ni titxhari u na txhariha, aniko mngana wa siphukuphuku a na xaniswa.

Mavingu 12:26

Mlulami mtsimbitisi wa mwakelani, aniko nzila ya vaonhi ya va maha ve timela.

2 Makronika 6:41

Mkoma Txizimu khukha konkuwa u wulela u humula ka wukhalo wako, awe ni dibhokiso da mtamo; Mkoma Txizimu, vaphaxeli vako va na ambale kuhanyiswa, se ni vasawuleki va na tsakele wunene wako.

Mithumo 9:13

Kambe Ananiya a to xamula, a txi khene: “Mkoma, ni engisile vathu votala, va txi womba-womba ngu m'thu wuwa, ve xawutela wotshe wubihi wu a nga wu maha ka vasawuleki vako va Jerusalema.

Malakiya 3:17

Se vona va na va vangu, kuwomba Mkoma wa Mabutho a Tiyimbi, ka dona ditshiku dile ni no maha mthumo wangu, va na va thomba yangu; ni na va divalela, ku nga m'veleki wu a divalelako mwanana wakwe, wu a thumelako.

Isaya 62:4

Khu na mbi ngadi u dhanwa ku u “Wo Lekwa,” ni ditiko dako kha di na mbi dhanwa kambe taku “Dirumbi”; aniko va na kudhana taku “Hefizibha,” ni ditiko dako di na dhanwa taku “Bhewula,” nguko Mkoma wa tsaka ngu ngawe, se Mkoma a na tekana ni ditiko dako.

Mavingu 8:31

ni zilimuka ka ditiko dakwe do zumba ka dona, se ni mana kutsaka kwangu ni vanana va vathu.

Masalmo 119:63

Na ti tshanganisa ni vale va kholwako kwako, ni vale va xayisako sileleto sako.

Masalmo 116:15

Li ni lisima masoni ka Mkoma lifo la vasawuleki vakwe,

Masalmo 101:6

Ni na amukela avale vo sawuleka ha mafuni kasiku ve hanya ni nani; ni na tumela kuthumelwa ngu wule a ku ni mahanyelo amanene dwe.

Masalmo 30:4

Embelelani, mi txi dhumisa Mkoma, anu motshe mi mthembako; m'bongeni mi txi huwelela tito, a sawulekile!

Titosi 3:8

Di thembekile dipswi diya. Nanani ni lava ku u sunamisa kugondisa mhaka yiya, ti to avale va kholwako ka Txizimu va na khutala amu ka mithumo ya yinene. Atiya tina ni lisima kambe ta vhuna vathu.

Vaefesu 1:1

Ani Paulo, mpostoli wa Jesu Kristu ngu kuranda ka Txizimu, ni bhalela vasawuleki va Efesu, va thembekako ngu ka Kristu Jesu;

Vagalatiya 6:10

Ngu konaho, he maheni wunene ka votshe vathu, na hi di ngadi ni mbimo, ngutu-ngutu ka makholwa kulothu.

Ndando ya Tindando 7:10

Ani ni wa txirandwa txangu, ni txona txa ni navela.

Masalmo 122:8

Ngu lirando ka vanathu ni vangana vangu, ni na khani: “Kudikha ku nave ni nawe!”