Masalmo 16:11 - Bhiblia Yo Sawuleka

¹¹ U na ni komba nzila ya wutomi; masoni kwako ku tate litsako; ka dianza dako da txinene, ku ni kuzumbiseka ko mbi gwita.

Masalmo 16:11 Referans Kwoze

Mithumo 2:28

Awe u ni ningile kuziva tinzila ta wutomi, u na ni khurisa ngu litsako masoni kwako.’ ”

Judha 1:24

Ka txona Txizimu txi ku ni mtamo wo mi xayisa kasi ku mi si khuvekiswi, ni ku mi heleketa txi mi hokisa mi di tsakile, na mi si nga ni txionho masoni ka wudhumo wa txona,

Vaefesu 3:19

Ni kombela ti to mi txi li ziva lirando liya, i ku la hombe ngutu kupinda sotshe si hi si zivako, kufela ku mi txi talelwa ngu yotshe thomba ya kuhetiseka ya Txizimu.

Mavingu 4:18

Aniko nzila ya vo lulama yi fana ni kuwoninga ka wuronga, ku woningako kambe ni kambe diza di hetiseka kutxa.

Masalmo 17:15

Se ani, kulamulani kwangu, ni na wona khohe yako; ngako ni txi wuka ni na tsaka ngu txithuzi txako.

Matewu 7:14

Nguko txike txi songile, ni nzila ya kona yi khwete, ayi yi yisako wutomini, kambe mbadotho va yi manako.”

Isaya 2:3

Se matiko amangi ma na rambana, ma txi kha ona: Ngonani, a hi kweleleni mmangoni ka Mkoma, Nyumbani ka Txizimu txa Jakobe, kasi ku txi ya hi gondisa tinzila ta txona, se athu hi na tsimbila ngu tinzila ta txona; nguko ku na huma mlayo ngu Siyoni, ni dipswi da Mkoma, ngu Jerusalema.

2 Vakorinto 4:17

Kuxaniseka kuwa kwathu ko hehuka, i ku ka mbimwanyana ya yidotho, ku hi longisela thomba ya hombe ya wudhumo wu wu si gumiko, ayi yi pindako kotshe kualakanya ka m'thu.

Matewu 5:8

Va katekile ava va nga basa timbilu; nguko va na wona Txizimu!

Mtuletelo 22:5

Kha ku na mbiswa ku di ni wusiku; ni wammweyo kha na mbiswa e lava kuwoninga ka dilambu, hambi kuwoninga ka ditambo, nguko Mkoma Txizimu a na va woninga, se vona va na fuma ngu ha ku si gumiko.

1 Pedro 3:22

wu a nga kwela nzumani, eya zumba txineneni ka Txizimu, ahawa a nga ningwa kufuma tingelozi, vathangeli ni mitamo.

Varoma 8:11

Se ngako Moya wa wule a nga wusa Jesu ka vakufa, wu di akile kwanu, txona Txizimu txi txi nga wusa Jesu ngu ka vakufa, txi na hanyisa mmidi wanu wa kufa, ngu Moya wa txona, wu nga aka timbiluni kwanu.

1 Johani 3:2

Vorandeka, konkuwa hi vanana va Txizimu, kambe kha zivaneki ati hi no va hi di txona. Ha tiziva ti to mbimo yi a nota Kristu, hi nata fana nayo, nguko hi nata muwona ngu wutumbu wakwe.

1 Vakorinto 13:12

Nguko, konkuwa, so maha hi si wonela kule kota nga kule ka kulavetetela ngu txibuko. Kambe ka yoneyo mbimo, ku nata va kuwonana ka khohe ni khohe. Konkuwa, na ziva ka kudotho, kambe ka yoneyo mbimo, ni nata ziva nga ti nanani ni ziviswako tona ngu Txizimu.

Mavingu 12:28

Ka nzila ya wululamo ku ni wutomi, ni nzilani ka kuthuma, kha ku nga ni lifo.

Marku 16:19

Sekoko, Mkoma Jesu, msana ka kuva a di wombawombile navo, a to gulwa a txi ya nzumani, a txi ya khalahatsha txineneni ka Txizimu.

Matewu 25:33

A na teka tinvuta a txi ti veka txineneni kwakwe, e teka tiphongo a txi ti veka txibhabha kwakwe.”

Masalmo 139:24

Wona ti to mwendo ni tsimbila ngu nzila yo biha u txi ni tsimbitisa ngu nzila yi ni yisako ka wutomi wo mbi guma.

1 Pedro 1:21

Ngu mhaka yakwe, ma kholwa ka Txizimu, atxi i ku txona txi nga mu wusa ka vafi, txi mninga wudhumo, kasi ku likholo lanu ni kuverela kwanu, mi si veka ka Txizimu.

Matewu 25:46

Se avava va na tsula kutsayiswani ko mbi guma; ani valulami va na yiswa ka wutomi wo mbi guma.”

Mavingu 2:19

votshe vale va yako kona kha va na mbi wuya, kambe kha va na mbi yi mana nzila ya wutomi.

Mavingu 5:6

Ene kha nga ni mhaka ni ditshuri da wutomi; tinzila takwe ndingi, kambe kha ti zivi.

Mithumo 7:56

Se a ti khene: “Ma ti wona, ani ni wona nzuma yi di tulekile, ni Mwanana wa M'thu a di emile txineneni ka Txizimu.”

Masalmo 4:8

Ni na rwama ni txi otela ngu kudikha, nguko awe, Mkoma, ngawe dwe u ni ningako kuhanya ngu kuxayiseka.

Masalmo 68:4

Embelelani ka Txizimu, embelelani tindando mi dhumisa ditina da txona, dhumisani awule a tsimbilako txitimwi ka marefu. Ditina dakwe i Txizimu! Tsakani masoni kwakwe!