Masalmo 15:4 - Bhiblia Yo Sawuleka

⁴ awule a solako ava vo biha, aniko a txi dhunda avale va thavako Mkoma; awule a mahako ti a nga thembisa, hambi ene a txi luzekelwa;

Masalmo 15:4 Referans Kwoze

Valamuli 11:35

A hale Jefta a nga mu wona, a to vharula syambalo sakwe na a txi dila, a txi khene: “Yowe! Mwanangu! U ni thete wusiwana kuhanyani kwangu ko pandiseka! Awe u hagari ka vale va ni xanisako. Nguko ni mahile txi thembiso ka Mkoma, kha ni sikotiko kutshumelela msana!”

Matewu 5:33

“Mi ti engisile kambe ati ti nga wombwa ka vakale va txi kha vona: ‘U nga thuke u tshumelela msana kuxambanyani kwako, aniko veketa ati u nga xambanyela Mkoma.’

Masalmo 101:6

Ni na amukela avale vo sawuleka ha mafuni kasiku ve hanya ni nani; ni na tumela kuthumelwa ngu wule a ku ni mahanyelo amanene dwe.

1 Johani 3:14

Athu ha tiziva ti to hi humile kufani hi txi ya wutomini, nguko ha randa vanathu. Awu asi randiko a ngadi zumbile kufani.

Masalmo 101:4

Va na zumbe kule ni nani avale va ku ni mi alakanyo yo gombonyeka; kha ni lavi kuziva ta vale va mahetelako to biha!

Masalmo 119:63

Na ti tshanganisa ni vale va kholwako kwako, ni vale va xayisako sileleto sako.

Masalmo 16:3

Vasawuleki va va ku ha mafuni, ava va xamalisako ngu mtamo wawe, ngu vona va ni tsakisako.

Mithumo 28:10

Konaho, va to hi bonga ngu ku hi komba txixonipho txa hombe; se mbimo yi hi nga khukha hi satisana navo, va to hi ninga sotshe si hi nga ti si pwata.

Esteri 3:2

Se sotshe sithumi sa mfumeli, sile si nga ti ha txikeni ka mfumeli, si ti nama si khizama masoni ka Hamani; nguko a ti wombisile toneto mfumeli ngu Hamani; kambe Mordhekayi asi nami hambi kukhizama.

Mithumo 24:25

Kota ngako a nga txi womba ngu ta kululama ni ta kutiñola, ni ta kulamulwa ku kutako, Felikisi a to dhuka, se a txi khene: “Tsula; ni na kudhana ngu yimwani mbimo.”

2 Makronika 36:13

Hahanze keto, a to wukela mfumeli Nebhukodhonosori, wule a nga ti ti mxambanyisile ngu ditina da Mkoma; kambe a ti bangisile msungo ni mbilu yakwe, asi tshumeleli ka Mkoma, Txizimu txa Israyeli.