Masalmo 149:4 - Bhiblia Yo Sawuleka

⁴ Mkoma a tsakiswa ngu vathu vakwe; wa guleta sisiwana ngu ku si ninga kuxula valala!

Masalmo 149:4 Referans Kwoze

Masalmo 147:11

Mkoma a dhunda avale va m'thavako, avale va thembako lirando lakwe.

1 Pedro 3:4

Aniko, ku ti bombisa kwanu ku nave ka wuthu wa mndani ka moya, ka wuthu wo sisaleka wa mbilu, i ku kubasa ko mbi guma ka moya wo thutha ni wa kudikha, wu ku ni lisima masoni ka Txizimu.

Masalmo 35:27

Aniko va na tsake va txi giya avale va ti zivako ti to ni wamnene; kambe va na wombe yotshe mbimo va txi kha vona: “Mkoma mbwa hombe! Mkoma a dhunda wunene wa txithumi txakwe!”

Masalmo 132:16

Ni na ninga vaphaxeli va wona mtamo wa kulamulela vamwani se vasawuleki va kona va na tsaka ngutu.

Masalmo 22:8

“A thembile Mkoma, se ene a na m'hulukise; a na m'hanyise, ngako a mrandako.”

Zefaniya 3:17

Mkoma, Txizimu txako, aho hagari kwako, ana ni mtamo ngutu kasi ku kuhanyisa; ene a na tala ngu ku kutsakela; a na malala ngu lirando lakwe, a na kutsakela ngu kuembelela.

Jeremiya 32:41

Ni na zilimukiswa ngu vona, ni txi va katekisa, kambe ni na va zimeka ditikoni muwa ngu mbilu yangu yotshe ni muhefemulo wangu wotshe.

Masalmo 117:2

Nguko wunene wakwe kwathu mbwa hombe, ni ditshuri da Mkoma nda kala kupinduka! Dhumisani Mkoma!

Isaya 61:10

Ni na tsaka ngutu ka Mkoma, muhefemulo wangu wa tsakela Txizimu txangu, nguko txi ni ambekile syambalo sa kuhanyiswa, txi ni fenengeta didhamba da kululama, nga muwuti a ti mbombisako ngu so tshura, ni ku nga txiwutwa txi ti bombisako ngu siketiketi sa txona.

Mavingu 11:20

Avale va timbilu to biha njinyenyeko ka Mkoma, aniko avale tinzila tawe i ku tinene, va mtsakisa.

Masalmo 90:17

Wu nate txitimwi kwathu wunene wa Mkoma, Txizimu txathu. Tsanisa Mkoma, mithumo ya manza athu, ina, tsanisa mithumo ya manza athu!

1 Pedro 5:5

Nananu, vavaphya, ti vekeni hahatshi ka madhota. Ambalani moya wa kutiveka hahatshi, mmwani masoni ka mmwani; nguko, Txizimu txi nyenyana ni va va kutikulisa, kambe txi ninga makatekwa a txona ka vale va kutiveka hahatshi.

Vahebheru 12:10

Nguko, vona va hi gondisile txikhati txa txidotho, madingano ni mawonelo awe. Aniko, Txizimu txa hi laya kasiku txi txi hi vhuna, ti to hi fana natxo amu ka wusawuleki wa txona.

Mtuletelo 7:14

Ani ni to angula ni txi khani: “Mkoma wangu, awe ngawe u ti zivako.” Se ene a ti khene: “Avava, ngu va va tako ngu kuxanisekani ka hombe; va nga kuwula syambalo sawe, ve si basisa ngu mnoha wa Txinvutana.

Ndando ya Tindando 1:11

Hi na ku mahela liketani la nzalama, li ku ni sipikiryana sa silivhela.