Masalmo 149:3 - Bhiblia Yo Sawuleka

³ Va na dhumise ditina dakwe ngu kusinya; va na embelele va txi veta sitende ni tingoma!

Masalmo 149:3 Referans Kwoze

Jeremiya 31:13

Sekoko mahorana ma na ti zilimukisa ngu kusinya, majaha ni sikosana ma na tsaka kumweko; nguko ni na phemberusa kudila kwawe kuva litsako ni na va tangalisa ni txi va tsakisa mu kuxanisekani kwawe.

Masalmo 81:2

Embelelani tindando, mi txi veta sikhitsi, embelelani, mi txi veta mbila ni haripa.

Eksodha 15:20

Sekoko Miriyamu, mprofeti wa txisikati, ndiyakwe Aroni, a to teka txingomana manzani kwakwe, ni vavasikati votshe va to mlondeta ni singomana, va txi veta ni kusinya.

Masalmo 30:11

Hindula kudila kwangu ku txi maha kusinya ka litsako; ni thavise mkhwasi u txi ni ambeka si ambalo sa litsako.

2 Samuwele 6:16

Se ku to maheka taku, va txi wuleta dibhokiso da Mkoma Didhoropani ka Dhavhidha, Mikali, mwanana wa dihorana wa Sawule, a to solela ngu ha ka difasitela, se e wona mfumeli Dhavhidha a txi ndaka-ndaka e sinya masoni ka Mkoma, a to mbwambwa ngu mbiluni kwakwe.

2 Samuwele 6:14

Se Dhavhidha a to ndaka-ndaka ngu wotshe mtamo wakwe masoni ka Mkoma, na a di ambate efodhe ya linyu.

Valamuli 11:34

Mbimo yi Jefta a nga ti wuya m'tini kwakwe ka Misipa, mwanana wakwe wa dihorana a to huma a txi ya mu hingeta na a txi sinya ni kuveta singomana. I ti ti mwanana wakwe wammweyo ekha wa dihorana, hahanze kwakwe a ti sina mmwani mwanana wa mfana hambi wa dihorana.

Masalmo 33:2

Dhumisani Mkoma ngu kuveta txitende; embelelani masoni kwakwe ngu kuveta txitende txa titxhapu ta digumi.

Ezra 3:10

Mbimo yile vaaki va nga maha makhato a kuaka Dithepele da Mkoma, va to ti henjeleta vaphaxeli ni siya sawe ni mipundu, Valevhi i ku vanana va Asafe, ni sitende kasi kudhumisa Mkoma, madingano ni txileleto txa Dhavhidha, mfumeli wa ka Israyeli.

1 Makronika 16:42

Sekoko Hemani ni Jedhutumi, i ti vaveti va mipundu ni titshodi ta vaembeleli, ni sivetaveta sa m'zeno wa Txizimu; aniko vanana va Jedhutumi, i ti vawoneleli va txike.

2 Makronika 29:25

A to veka Valevhi Nyumbani ka Mkoma, va di ni sitende, ni tingoma, ni timbila, madingano ni kuruma ka Dhavhidha ni ka Gadhi mhuti wa mfumeli, ni wa mprofeti Nathani i ku kuruma ku kutako ngu ka Mkoma, ngu dianza da vaprofeti vakwe.

1 Makronika 25:6

Votshe vava, va ti ti didhawa ka tate, kasi kuva txi embelela, Nyumbani ka Mkoma, ngu tingoma, ni timbila, ni tiharipa, ka mthumo wa kukhozela Nyumbani ka Txizimu; se Asafe ni Jedhutumi, ni Hemani va ti didhawa ka mfumeli.

2 Makronika 20:28

Va to wulela Jerusalema ni Nyumbani ka Mkoma, va di ni misengele ya vaembeleli, ni tiharipa, ni mipundu.

Masalmo 81:3

Vetani mpundu wa kutsakela kumeka ka mtxima mi txi veta kambe ngu ditshiku da mtxima wa ngoma, i ku ditshiku da m'buso wathu wa hombe!

Masalmo 87:7

Ava va embelelako ni va va sinyako va na kha vona: “Txisima txa otshe makatekwa athu txi maneka kwako.”

Jeremiya 31:4

Ni na kuaketa, u na va u di akilwe, awe wotuma wa Israyeli; u na tshumela u txi ti longisela sikhiti, u txi huma kuya sinya ngu kutsaka.