Masalmo 149:1 - Bhiblia Yo Sawuleka

¹ Dhumisani Mkoma! Embelelani ka Mkoma ndando ya yiphya; m'dhumiseni msengeletanoni ka vasawuleki vakwe.

Masalmo 149:1 Referans Kwoze

Masalmo 33:3

Embelelani kwakwe ndando ya yiphya; vetani ngu wuzivi, mi txi mkulungela!

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.

Vahebheru 2:12

ma ku: “Ni na huwelela ditina dako ka vanathu, hagari ka msengelatano ni na embelela wudhumo wako.”

Masalmo 148:1

Dhumisani Mkoma! Dhumisani Mkoma, mi di nzumani; m'dhumiseni mi di txitimwi ngutu!

Masalmo 98:1

Embelelani ka Mkoma ndando ya yiphya, nguko ene a mahile sidiwukiso! Diwoko dakwe da txinene di mningile kuxula, kuxula ku nga mahwa ngu diwoko dakwe do sawuleka.

Isaya 42:10

Embelelani ka Mkoma dando ya yiphya, ni ku m'dhumisa kukhukhela magwito ka mafu, anu mi sambelako lineneni, ni sotshe si si ku ka lona; anu sitondolo, ni vaaki va sona.

Masalmo 144:9

Kwako awe Txizimu, ni embelela ndando ya yiphya; ngu haripa ni txiya txa digumi da tingoti, kwako ni na embelela ni kudhumisa.

Masalmo 116:18

Ni na londeta sixambanyo si ni nga si maha ka Mkoma, masoni ka votshe vathu vakwe,

Masalmo 68:26

Dhumisani Txizimu misengeletanoni! Vathu votshe va ka Israyeli va na dhumise Mkoma!

Masalmo 22:25

Ni na kudhumisa ni si karali, hagari ka msengeletano wa hombe. Masoni ka vale va ku khozelako, ni na tatisa sithembiso si ni nga si maha.

Masalmo 22:22

Sekoko ni na xawutela ka maxaka angu ati u nga maha; kambe ni na kudhumisa hagari ka msengeletano, ni txi khani:

Masalmo 89:5

Tinzuma ta dhumisa sidiwukiso sako, Mkoma, ni msengeletano wo sawuleka wa dhumisa kuthembeka kwako.

Masalmo 96:1

Embelelani ka Mkoma ndando ya yiphya; vathu va dotshe ditiko, embelelani ka Mkoma;

Masalmo 111:1

Dhumisani Mkoma! Ni na dhumisa Mkoma ngu yotshe mbilu yangu txikungoni ka valulami ni msengeletanoni ka vathu.

Masalmo 35:18

Ni na kudhumisa masoni ka votshe vathu vako; ni na kudhumisa hagari ka msengeletano.