Masalmo 148:8 - Bhiblia Yo Sawuleka

⁸ tinyangafula ni maralala, hunguva ni txyandela; moya wa hombe wu engisako dipswi dakwe;

Masalmo 148:8 Referans Kwoze

Mtuletelo 16:21

ma to wa ngu nzumani, me wela vathu, maralala o nemela nga titalenta, se vathu ve khata kuruketela Txizimu ngu mhaka ya ntungu wa maralala, nguko i ti wa hombe ngutu.

Jona 1:4

Aniko Mkoma a to rumela moya wa hombe lineneni, se ku to maheka txihuhuri txa hombe lineneni, se txitimela txi txi nga txo lava ni kubhandeka.

Amosi 7:4

Mkoma Txizimu anikombisile tiya: Se Mkoma Txizimu a ti huwelela ti taku a lava kuvanga vhilinganya ngu mndilo, e lovisa mkova wo hokoma, e lovisa kambe ni mafu.

Amosi 4:13

Nguko ngu txona txi bumbaretelako mimango, ni kuvanga moya, txi zivisa m'thu taku ngu ahi maalakanyo a txona, txi mahako ti to mixo yi ve txidema, txi kanda txitimwi ka mafu; Mkoma, Txizimu txa Mabutho a Tiyimbi, ngu dona ditina dakwe.

Joyeli 2:30

Kambe ni na kombisa sixamaliso nzumani ni ha mafuni, mnoha ni mndilo, ni tiphande ta wutshi.

Isaya 66:16

Nguko ngu mndilo ni ditxhari dakwe, Mkoma a na wulela e lamula votshe vathu; se vafi va Mkoma va na mbambamela.

Masalmo 103:20

Dhumisani Mkoma, anu tingelozi takwe, anu sirumwa sakwe sa mtamo, anu mi londetako sileleto sakwe ni ku mu engisa.

Masalmo 18:12

Masoni ka txona ku to huma kuphatima, ka marefu a mtima ku to huma maralala ni makala a mndilo.

Joxuwa 10:11

Se ku to maheka taku, mbimo yi va nga ti thava masoni ka va ka Israyeli, mkovani ka Bheti-Horoni, Mkoma a to wisa ngu nzumani marigwi a hombe txitimwi kwawe kala kuhoka Azeka, aha va nga mbambamela kona. Mbavangi ngutu avale va ngafa ngu marigwi a maralala kupinda avale va nga dawa ngu matxhari a vanana va ka Israyeli.

Mitengo 16:35

Sekoko Mkoma a to rumela mndilo wuta lovisa vathu va 250, va nga ti hungala ngu kuhisa dibaselo.

Levhi 10:2

Sekoko ku to huma mndilo ngu masoni ka Mkoma, wu txi va hisa konaho, va txi fa masoni ka Mkoma.

Eksodha 14:21

Sekoko Mosi a to nawuluta dianza dakwe txitimwi ka linene, se Mkoma a to abanisa mati ka wotshe wusiku wule, ngu moya wa mtamo, wa kuta ngu wutxani; se linene li txi maneka li di omile.

Eksodha 10:19

Sekoko Mkoma a to maha to moya wa mswa-ditambo wu txi futeta ngu mtamo, se moya wonewo wu to khukhula humbi yotshe wu txi ya yi vhunga lineneni ko Bhilivila; aha ku nga mbi sala ni ya yimweyo humbi ka dotshe ditiko da Egipta.

Eksodha 10:13

Sekoko Mosi a to guleta ndonga yakwe txitimwi ka ditiko da Egipta. Mkoma a to wuyisa mu ditikoni ka Egipta diphuho da wutxani ka dotshe ditshiku dile ni ka wotshe wusiku wule. Mbimo yi di nga txa, diphuho da wutxani di manekile di txi wuyisa humbi.

Genesisi 19:24

Sekoko Mkoma a to wisa txivavula ni mndilo txitimwi ka didhoropa da Sodhoma ni da Gomora, si txi ta ngu nzumani, ka Mkoma Txizimu.

Jobe 37:12

Sekoko madingano ni txileleto txa txona txa ditshuri, txa ranganyeta direfu ngu kukeluka kasi ku di txi maha ti txi ngadi leleta tona, txitimwi ka mafu o zumba ka ona;

Jona 1:5

Sekoko vatsimbitisi va txitimela va to thava, mmwani ni mmwani a to dila ka txizimu txakwe, va txi rinzetela matini totshe tithomba ti ti nga ti ti txitimelani, kasi kuhungula kunemela ka txona; konaho, Jona a to relela hahatshi, ka wukhalo wo zumba simaha, a txi ya otela e mana wukohe wo tshima ngutu.