Masalmo 148:7 - Bhiblia Yo Sawuleka

⁷ Anu sivangwa sa ha mafuni, dhumisani Mkoma; m'dhumiseni, anu sihari so thisa sa linene ni kutshima ka lona;

Masalmo 148:7 Referans Kwoze

Genesisi 1:21

Se Txizimu txi to vanga vanyamrikidi, ni sotshe so hanya so tsimbila ngu dibindi, sasingi ngutu, si nga maneka matini, ngu kuhambana ka sona, ni sotshe sinyana si si ku ni tibhapi, ngu tixaka ta sona. Se Txizimu txi to wona ti to ndinene.

Isaya 43:20

Sihari sa txitinga si na ni thumela, maxolwa ni vanana va mbuwu, nguko ni na thela mati txiwulani, ni minambo ligwangwani, kasi ku vathu vangu ve mana kusela, ka msawuleki wangu.

Isaya 27:1

Ka ditshiku dile, Mkoma ngu ditxhari dakwe do banga, da hombe, da mtamo, a tsayisa Levhiyatani, i ku mnyoka wa livilo, Levhiyatani, mnyoka wo gombonyeka, kambe a na daya dragoni a ku lineneni.

1 Vafumeli 13:28

Se a to tsula eya mana txirumbi txa kona txi di kwapa-kwapa hanzila, se mbongola ni ngonyamo si di emile hafuhi ni txirumbi; ngonyamo yi sa mita mmidi, hambi kuphatulela mbongola.

Masalmo 104:24

Mkoma, awe u mahile simaha sasingi u mahile sotshe ngu wuzivi wa hombe! Mafu ma tate ngu sivangwa sako!