Masalmo 148:4 - Bhiblia Yo Sawuleka

⁴ Mu dhumiseni, anu tinzuma ta tinzuma. M'dhumiseni, anu mati a txitimwi ka tinzuma!

Masalmo 148:4 Referans Kwoze

1 Vafumeli 8:27

I na ngu ditshuri txi ndi na zumba Txizimu ha mafuni kani? Wona taku tinzuma kala ka nzuma ya tinzuma kha ti sikoti ku u enela ka tona, se ngutu-ngutu nyumba yiya ni nga yi aka.

Genesisi 1:7

Se Txizimu txi mahile mpfhuka, txi hambanisa mati a hahatshi ka mpfhuka, ni mati a txitimwi ka mpfhuka. Se eto ti to maheka.

Dhewuteronome 10:14

Wona nzuma ni nzuma ya tinzuma, si lumba Mkoma, Txizimu txako, kumweko ni mafu ni sotshe si si kuho ka ona.

Nehemiya 9:6

Awe ngawe wekha u ku Mkoma, ngawe u nga maha nzuma, nzuma ya tinzuma ni dotshe dibutho da yona, mafu ni sotshe si si ku ka ona, ni minambo ni sotshe si si ku ka yona; sotshe ngawe u si hanyisako, ni dibutho da nzumani da kukhozela.

2 Vakorinto 12:2

Na m'ziva m'thu wa ka Kristu, awu a nga hukwa a txi yiswa ka nzuma ya wuraru, se kupindile malembe a digumi ni mune ti di mahekile (mwendo a ti ti mmidini kwakwe, mwendo a ti ti hahanze ka wona, kha ni swi ni txi tiziva, ti ziwa ngu Txizimu.)

Masalmo 113:6

Txi di kona txitimwiyo txona txa nama kasi kuwona si si ku nzumani ni si si ku hahatshi ha mafuni.

Masalmo 104:3

U akile nyumba yako matini txitimwi ka tinzuma. Marefu u ma mahile txikotxikani txako u tsimbila u di txitimwi ka mabhapi a diphuho!

Masalmo 68:33

Ka wule tsimbilatsimbilako a di gadhile tinzuma ta tinzuma, kukhukhela kaleko! Wona taku wa rumela dipswi dakwe ni kuninga kudhinda ko thisa ngutu.

Genesisi 7:11

Ka dilembe diya Nowa a nga tshanganisa 600 wa malembe, a kuhanya kwakwe, ka ditshiku da wugumi ni mtxhanu ni mambidi, ka mtxima wa wumbidi, ku to khulunga mati a minambo yotshe ya kueta ka hahatshi ka mafu, ni mafasitela a nzumani ma to tuleka.

Genesisi 1:6

Se Txizimu txi to kha txona: “Ku nave ho mpfhuka hagari ka mati, kambe ku nave ho kuhambana ka mati ni mati.”

2 Makronika 2:5

Se nyumba yi ni ku na yi aka yi na va ya hombe, nguko Txizimu txathu nja hombe kupinda sizimu sotshe.

Masalmo 69:35

Kha ditshuri, Txizimu txi na hanyisa Siyoni, txi txi aketa madhoropa a Judha, se va na wuya avale va nga ti tutumisilwe.