Masalmo 148:13 - Bhiblia Yo Sawuleka

¹³ Hi nga dhumisani ditina da Mkoma, nguko ditina dakwe ngu dona di guletwako; wudhumo wakwe wu txitimwi ka nzuma ni mafu!

Masalmo 148:13 Referans Kwoze

Masalmo 113:4

Mkoma wa fuma txitimwi ka yotshe mifumo; wuhombe wakwe wu txitimwi ka tinzuma!

Masalmo 8:1

Awe Mkoma, Txizimu txathu, ditina dako di ni nduma ka otshe mafu! Ni na pfalisa wudhumo wako wu nga guleka txitimwi ka Nzuma.

Masalmo 8:9

Mkoma, Mkoma wathu, ditina dako di ni nduma ka otshe mafu!

Isaya 12:4

Se ka ditshiku donedo, mi na khanu: Bongani Mkoma, mi pfalisa ditina dakwe, gelani vathu simaho sakwe, embelelani ti to ditina dakwe di txitimwi ngutu.

1 Pedro 3:22

wu a nga kwela nzumani, eya zumba txineneni ka Txizimu, ahawa a nga ningwa kufuma tingelozi, vathangeli ni mitamo.

Vafilipiya 3:8

Ngu ditshuri, sotshe ni si wona si si vhuni txilo, ngako ni txi si dinganisa ni lisima la kuziva Kristu Jesu, Mkoma wangu. Ngu mhaka yakwe, sotshe ni si tshotshile, kambe ni si wona i di nzambwa, kasiku ni mana Kristu;

Vaefesu 4:10

Awu a nga txhika ngeneyo a nga kwela txitimwi ka totshe tinzuma, kasi kuya tata nzuma ni mafu ngu wukoma wakwe.

Zakariya 9:17

Nguko nga tona ti wu nga kulisa tona wunene wawe! Ni ti va nga tshurisa tona! Se fulaho yi na tshurisa majaha, ni vhinya ya yiphwa yi na tshurisa mahorana.

Isaya 33:5

Mkoma a gulekile nguko a zumba txitimwi; a tatile Siyoni ngu wunene ni wululamo.

Isaya 6:3

Se ma txi kwangula dimwedo ka dimwani, ma txi kha ona: Msawuleki, Msawuleki, Msawuleki ngene Mkoma wa Mabutho a Tiyimbi; Otshe mafu ma tate ngu wudhumo wakwe.

Ndando ya Tindando 5:16

Ka tsakisa kuwombawomba kwakwe ka kunene; ina, ene wa navetisa ngutu. Txirandwa txangu txi zumbisileto, kambe ngu toneto mngana wangu, Anu vanana vamahorana a Jerusalema,

Ndando ya Tindando 5:9

Njitxani txi txirandwa txako txi pindako tximwani txirandwa txangu ngu txona, awe wo tshura ngutu hagari ka vavasikati kani? Txirandwa txako txi pinda vamwani ngu kutxani, koza u hi leleta to nga eto, kani?

Masalmo 108:4

Wunene wako wu gulekile ngutu kupinda nzuma ni kuthembeka kwako ka pinda marefu.

Masalmo 72:19

Di na dhumiswe yotshe mbimo ditina da txona da wudhumo ni dotshe ditiko di na tale ngu wudhumo wa txona! Amen! Amen!

1 Makronika 29:11

Wudhumo ni mtamo, ni nduma, ni kuxula ni wuhombe, nzako Mkoma; nguko sotshe si si ku nzumani ni ha mafuni nzako, mfumo mbwako Mkoma, kambe awe u ti guletile txitimwi ka votshe, kuva mthangeli.

Masalmo 99:9

Dhumisani Mkoma, Txizimu txathu; mu khizameleni mmangoni kwakwe ko sawuleka! Nguko Mkoma, Txizimu txathu, a sawulekile!

Matewu 6:13

U nga hi leke hi txi wa kudukwani, kambe hi thuse ka m'bihi.” [Ngukuva Mfumo mbwako, ni mtamo ni wudhumo kala kupinduka. Amen.]

Masalmo 57:6

Va riyile txikelemu ve txi veka ha nzilani kwangu moya wangu wu namile; va kete diphala masoni kwangu, aniko ngu vona va nga hojomela ka dona.

Masalmo 8:2

Ngu wudhumo wu wu humako sisofuni ka vanana ni ka vadotho. U mahile mkhokhola wa ku ti vhikela ka valala vako, kasiku u txi malata valala ni vaphoteli.

Masalmo 150:6

Sotshe sivangwa so hanya si na dhumise Mkoma! Dhumisani Mkoma!