Masalmo 147:5 - Bhiblia Yo Sawuleka

⁵ Mbwa hombe Mkoma wathu, kambe mbwa mtamo wa hombe; wuzivi wakwe kha wu na magwito.

Masalmo 147:5 Referans Kwoze

Isaya 40:28

Khu ti zivi, khwa tipfa taku, Txizimu txa yotshe mbimo, Mkoma, M'vangi wa magwito a mafu, kha karali, hambi kurereka kani? Mapimo akwe kha ma na mpimo.

Masalmo 96:4

nguko Mkoma mbwa hombe, ana ni fanelo ya kudhumiswa, a fanete kuthawa kupinda sotshe sizimu!

Varoma 11:33

Oh! Kutshima ka kufuma ni wuzivi ni wutxhari wa Txizimu! Kulamula ka txona kha ku ziwi ngu m'thu, hambi tinzila ta txona ni tona kha ti ziwi ngu m'thu.

Nahume 1:3

Mkoma wa swela kuhenya, aniko mbwa hombe amu ka mtamo wakwe, se ka muonhi, kha mmahi wo mbi na mnandu; Nzila ya Mkoma yi mu ka txingulu ni txihuhuri; se marefu lithulu la mikondo yakwe.

Masalmo 48:1

Mkoma mbwa hombe, kambe a fanela kudhumiswa didhoropani ka Txizimu txathu, mmangoni kwakwe ko sawuleka!

Masalmo 40:5

Awe Mkoma, Txizimu txangu, u hi mahete sixamaliso sako sa hombe; kha nga ho m'thu wu a dinganiswako ni nawe! U mahile makungo a hombe o xamalisa a ku hi vhuna; mithumo yako, hambi idiku no lava ku yi bala ni ku yi xawuta, nga ni si sikoti, nguko nja kutanda vabali.

Jeremiya 10:6

Khangaho a fananako ni nawe, awe Mkoma; u wa hombe, ditina dako ndahombe ngutu.

1 Makronika 16:25

Nguko Mkoma mbwa hombe; a fanela kudhumiswa ngutu, wa thaviseka kupinda sotshe sizimu.

Mtuletelo 15:3

na va txi embelela lindando la Mosi, txithumi txa Txizimu, ni lindando la Txinvutana, va txi kha vona: “Mithumo yako nja hombe, kambe ya xamalisa, awe Mkoma Txizimu txa mtamo wotshe, tinzila tako ndo lulama ni ta ditshuri, awe mfumeli wa otshe matiko.

Masalmo 145:3

Mkoma mbwa hombe, kambe ana ni fanelo yo dhumiswa ngutu, wuhombe wakwe kha wu sikoti kupimwa.

Masalmo 99:2

Mkoma mbwa hombe mmangoni ka Siyoni; a txitimwi ka votshe vathu.

Masalmo 135:5

Nguko ani na tiziva ti to Mkoma mbwa hombe, ni ti to Txizimu txathu txi txitimwi ka sotshe sizimu.

Jobe 36:5

Wona taku, Txizimu nja hombe ngutu; hambi keto, kha txi txhipisi ni wammweyo; nja hombe amu ka mtamo wa mbiluni.

Jeremiya 10:7

Awe Mfumeli wa matiko, i mani asi ku thaviko kani? U fanete kuthavwa, nguko hagari ka totshe titxhari ta vamatiko, ni ka mifumo yawe yotshe, lambi, khangaho wu a fananako ni nawe.

Dhaniyeli 2:20

Dhaniyeli a to womba, a txi khene: “Di na dhumiswe ditina da Txizimu ngu ha ku si gwitiko” nguko wuzivi ni mtamo, nza Txizimu;