Masalmo 147:2 - Bhiblia Yo Sawuleka

² Mkoma wa wuseta Jerusalema e tshanganisa ngamu ya Israyeli, yi nga ti hangalakile.

Masalmo 147:2 Referans Kwoze

Isaya 56:8

Mkoma Txizimu, wule a sengeletako va va nga hangalaka, va ka Israyeli, a womba tiya: “Kambe ni na sengeleta vamwani, ka vale va nga sengeletwa.

Masalmo 51:18

Xayisa Siyoni ngu wunene ni wumbilu wako; aketa maguma a Jerusalema.

Dhewuteronome 30:3

Sekoko Mkoma, Txizimu txako, a na kuhumisa ka wukhumbi wako, a txi ku mahela wumbilu; a na ku engisa, a txi ku tsanisa, u huma ngu ka otshe matiko ale a nga ti ku hangalisete ka ona.

Ezekhiyele 38:8

Msana ka masiku o tala u na endelwa; ma di gumile malembe u nata ka ditiko dile u nga khukhiswa ka dona ngu matxhari, di nga ta kwako ngu hagari ka vathu, di txi ta mimangoni ka Israyeli, ayile yotshe mbimo yi nga mahwa sisapa; aniko ditiko dile di thavisilwe hagari ka vathu, se votshe va na zumba ngu kutsana.

Jeremiya 32:37

Wonani, ni na mi tshanganisela ngu matikoni kotshe, ayo ni nga va tutumisela ka ona kuhenyani kwangu ni txiviti txangu ni dikhulo da hombe; ni na tshumela ni va wuyisa ka wukhalo wuwa, ni va maha ve zumbiseka.

Isaya 62:7

kambe mi nga maneke mi di malate, kala kuza e tsanisa, ni ku kala kuza e veka Jerusalema kuva wudhumo ha mafuni.

Isaya 14:32

Ku na xamulwa txani koko ka mitumi ya vathu kani? Va na kha vona: Mkoma a akile makhato a Siyoni, kasi ku vathu vakwe, vale va xanisekako ve mana wuthavelo.

Jeremiya 31:4

Ni na kuaketa, u na va u di akilwe, awe wotuma wa Israyeli; u na tshumela u txi ti longisela sikhiti, u txi huma kuya sinya ngu kutsaka.

Isaya 27:13

Se ku na maheka ka ditshiku dile, taku ku na vetwa mpundu wa hombe, se vale va nga ti mwalate ditikoni ka Asiriya, ni vale va nga tsuliswa ditikoni ka Egipta, va na tshumela ve wuya, ve ta khozela Mkoma, mmangoni ko sawuleka, kona Jerusalema.

Nehemiya 7:4

Se didhoropa di ti anamile, i ti da hombe ngutu, kambe vathu i ti vadotho mndani ka dona; ni tinyumba ti sanzi kuakwa.

Dhaniyeli 9:25

Tizive u pfisisa, kukhukhela kuhumani ka txileleto txa kutshumetela ni kuaketa Jerusalema kala ka Mesiya, Mthangeli, ku nava ni mtxhanu wa mavhiki ni mambidi, ni mtxhanu wa magumi ni dimwedo a mavhiki ni mavhiki mambidi, magondo ni madhoropa si na aketwa; kambe ngu mbimo ya xomulo.

Matewu 16:18

Ngu toneto, nani na kugela, ni khani: Awe u Pedro, se txitimwi ka dirigwi diya, ni na aka Dibanza dangu, ani mtamo wa lifo kha wu na mbi di xula.

Nehemiya 6:15

Sekoko diguma di to guma ngu ditshiku da magumi mambidi ni mtxhanu, ka mtxima wa Eluli, ngu mtxhanu wa magumi a masiku ni mambidi.

Nehemiya 6:16

Se ku to maheka tito, va di ti pfite valala vathu votshe, ni votshe vamatiko, vale va nga ti hi ranganyetile, va to dhuka, ve godhola ngutu masoni kwawe; nguko va ti zivile ti to Txizimu txathu ngu txona txi nga maha mthumo wuwa.

Masalmo 102:17

ene a na engisa mkombelo wa txikulungu kha na mbi tsukula mikombelo ya txona.

Jeremiya 31:10

Engisani Dipswi da Mkoma anu matiko, zivisani sitondolo sa kule, mi txi khanu: Awu a nga hangalasa Israyeli a na mu sengeleta, a txi mu xayisa nga m'dyisi ka tinvuta takwe.

Mika 4:6

Ka dona ditshiku dile, kuwomba Mkoma: Ni na sengeleta vale va nga ti ti khwita, kambe ni na wuyisela vale ni nga ti ti va tovete, ni vale ani ni nga ti ti va xanisile.

Zakariya 8:7

A womba tiya Mkoma wa Mabutho a Tiyimbi: Wona taku ni na hanyisa vathu vangu, va ditiko da Wutxani ni va ditiko da mswa ditambo;