Masalmo 147:13 - Bhiblia Yo Sawuleka

¹³ Ene wa tsanisa sikhoto sa matimba ako e katekisa vanana vako va ku mndani kwako.

Masalmo 147:13 Referans Kwoze

Masalmo 144:12

Kasi ku vanana va vathu, va na fana ni mindonga, yi yi kulako yi anda i di ngadi yiphya; vanana vathu vamahorana va na fana ni marigwi a makhonani o vatelwa nga tinyumba ta nyumba ya wukoma,

Masalmo 125:2

Kufana ni mimango yi randelako Jerusalema, ngu toneto Mkoma a randete vathu vakwe, konkuwa ni yotshe mbimo.

Nehemiya 12:30

Se vaphaxeli ni Valevhi va to ti sawulekisa; koneko va to sawulekisa vathu, ni matimba ni diguma.

Nehemiya 7:1

Ku to maheka kambe tito, msana ka kuva diguma di di akilwe, ani ni to guleta matimba; se kuvekwa vaxayisi va matimba, ni vaembeleli, ni Valevhi.

Sidilo 4:12

Vafumeli va hawa mafuni, hambi i di vaaki va ona otshe kha va kholwa ti to valala va nga thuka va di wulete sikenini ka Jerusalema.

Masalmo 51:18

Xayisa Siyoni ngu wunene ni wumbilu wako; aketa maguma a Jerusalema.

Nehemiya 7:3

se ni va gela tiya: Ma nga tulwe matimba a Jerusalema, an'ze di guleka ditambo; na vawoneleli va di nga diho, vhalani matimba mi ma khota; vekani vawoneleli va vazumbi va Jerusalema, mmwani ni mmwani ka wukhalo wakwe, mmwani ni mmwani masoni ka nyumba yakwe.

Nehemiya 6:1

Ku to maheka kambe ti taku, Sambalati, Tobhiya, Geseni, muarabhi, ni vamwani valala vathu, va di pfite ti to ani ni akile diguma, ni ti to ka dona kha ku na lisoko lo kari, hambi ku ka mbimo eyo ni sanzi kuvekela matimba ha sikeni.

Dhaniyeli 9:25

Tizive u pfisisa, kukhukhela kuhumani ka txileleto txa kutshumetela ni kuaketa Jerusalema kala ka Mesiya, Mthangeli, ku nava ni mtxhanu wa mavhiki ni mambidi, ni mtxhanu wa magumi ni dimwedo a mavhiki ni mavhiki mambidi, magondo ni madhoropa si na aketwa; kambe ngu mbimo ya xomulo.

Jeremiya 33:10

Mkoma a khene: Ka wukhalo wuwa (anu mi ku khanu njiwula, kha ku nga ni m'thu hambi txihari), ni madhoropani ka Judha, ni magondoni ka Jerusalema, aawa ma nga onhetelwa, ati to ku si maneki ni m'thu emo.

Jeremiya 33:11

Ku na pfala dipswi da mkulungwani ni da litsako, dipswi da mteki ni da mtekiwa, ni dipswi da va va ku kha vona: Dhumisani Mkoma wa Mabutho a Tiyimbi, nguko mnene, nguko wumbilu wakwe mbwa kala kupinduka; ni mapswi a va va nehako miningelo ya kubonga Nyumbani ka Mkoma. Nguko ni wuyisa ava va nga ñolwa ka wuwa wukhalo, va na nga mbimoni ka kale, kuwomba Mkoma.