Masalmo 146:9 - Bhiblia Yo Sawuleka

⁹ Mkoma wa xayisa valuveli; wa xayisa vo felwa ngu vaveleki, ni tinoni, aniko wa weketa nzila ya vaonhi.

Masalmo 146:9 Referans Kwoze

Masalmo 68:5

Txizimu txi zumbako mu Dithepeleni ka txona ko sawuleka, i tate wa sikulungu, kambe m'vhikeli wa tinoni.

Masalmo 147:6

Mkoma wa xayisa sisiwana, aniko wa wisa hahatshi avale va mahako kubiha.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Jeremiya 49:11

Leka sikulungu sako, ani ni na si xayisa si txi hanya; ni tinoni tako ti na themba kwangu.

Mavingu 15:25

Mkoma a na khundumusa nyumba ya vale vo ti guleta, aniko a na tsanisa thomba ya noni.

Jakobe 1:27

Nguko, wukholwa wa ditshuri wo mbi na dikhwiti masoni ka Txizimu, Tate wathu, ngu kudingula va vo felwa ngu vaveleki, ni vale i ku tinoni, kuxanisekani kwakwe, ni ku ti vhikela kambe ka nzambwa ya ditiko.

Mavingu 4:19

Nzila ya vaonhi yi fana ni txidema; kha va txi zivi atxile va humbwako ngu txona.

Masalmo 145:20

Mkoma wa va xayisa votshe vale va mrandako; aniko va na fuviswa votshe vaonhi.

1 Vakorinto 3:19

Nguko wutxhari wa ha mafuni mbupumbu masoni ka Txizimu, kota nga ti ti nga bhalwa va txi kha vona: “Txona txa bzweta vazivi amu ka wutxhari wawe.”

Hoseya 14:3

Asiriya kha na mbi hi hulukisa, kha hi na mbi tsula hi di gadhile mahantxhi, ka mithumo ya manza athu, kha hi na mbi womba kambe ku khathu: Awe u Txizimu txathu; nguko ngu ngawe, awule wo felwa ngu vaveleki, a na mahelwa wumbilu.

Masalmo 18:26

Awe u lulamile ka wule a nga lulama u txharihile ka wule a ku ni mapimo o biha.

Esteri 9:25

Aniko ahale yi nga hoka mhaka ka mfumeli, a to rumela ngu mapapilo ti to txikungo txo biha txa Hamani, txo wukela Vajudha, txi wela ha msungo kwakwe; ngu koneho, va to mtxikita, ene ni vanana vakwe, ha phandeni kumweko.

Esteri 7:10

Hamani koko va to mtxikita ka phande yile ene a nga ti yi longisete Mordhekayi. Sekoko kuhenya ka mfumeli ku to boxa.

Esteri 5:14

Sekoko msikati wakwe Zeresi ni votshe vangana vakwe va to kha vona kwakwe: Ku na kelelwe phande ya kulapha ka mtxhanu wa magumi a mikono, se mangwana na gela mfumeli taku Mordhekayi e txikitwa ka yona, sekoko u wulela u di tsakile ni mfumeli ka m'buso wa hombe. Se txikungo etxo txi wonekile i di txatxinene ka Hamani, a to rumisa ti to yi kelelwa phande.

2 Samuwele 17:23

Se Ayitofeli a di woni koko, taku txikungo txakwe kha txa londetwa, a to sungelela mbongola yakwe, e khukha e tsula m'tini kwakwe, ka didhoropa dakwe, eya lulamisela nyumbani kwakwe e ti sunga: se efa, e tshotshwa ka dithitha da tate vakwe.

2 Samuwele 15:31

Sekoko va to zivisa Dhavhidha, va txi kha vona: Ayitofeli nene a hagari ka vale va emako ni Abhisalome. Se Dhavhidha a to khene: Awe Mkoma, hundulusa txikungo txa Ayitofeli.

Dhewuteronome 16:11

Se u na tsaka masoni ka Mkoma, Txizimu txako, awe ni mwanana wako wa mfana ni wa dihorana, ni khumbi yako ya wamwamna ni ya wamsikati, ni Mulevhi wule a hanyako didhoropani kwako, ni mluveli, ni wo felwa ngu vaveleki, ni noni, avale va hanyako kumweko ni nawe, mi na ya tsakela ka wukhalo wu wu nga sawulwa ngu Mkoma, Txizimu txako, kasi ku ditina dakwe di txi zumba kona.

Masalmo 10:14

Aniko awe wa wona kupandiseka ni kuxaniseka, totshe wa ti wonisisa, ni kukhatala ngu tona. Va tutumela kwako ava vo mbi na m'vhikeli ni va vo felwa; awe ngawe m'vhuneteli wawe.