Masalmo 146:7 - Bhiblia Yo Sawuleka

⁷ a lamulako ngu kululama ava va tsindavetwako; a ningako dipawu ka vale va ku ni nzala.

Masalmo 146:7 Referans Kwoze

Masalmo 103:6

Mkoma wa vhikela ngu kululama votshe vale va xaniswako.

Masalmo 68:6

Txizimu txa komba ka txikulungu wukhalo wa kuhanya ka wona txa txhatxhisa avale i ku vo sungwa; aniko vakanganyisi va na hanyela ditikoni ko oma.

Isaya 61:1

Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;

Luka 4:18

“Moya wa Mkoma wu txitimwi kwangu, nguko Ene a ni totile, kasiku ni ya huwelela mahungu amanene ka sisiwana, a ni rumete kuya nuwela mhaka ya kuthukunyulwa ka va vo sungwa, ni ka mabhofu kuningwa kutshumela me wona, kuya thusa ava va xaniswako,

Masalmo 10:18

Lamulela ava vo felwa ngu vaveleki, ni va va xanisekako, ku nga ve ni wammweyo m'thu wa mafu awa, a tshumelako a txi va xanisa.

Masalmo 142:7

Thavisa moya wangu mkorani, kasiku ni na dhumisa ditina dako; vathu vo lulama va na ni randela, ngu kuwona makatekwa awa u nga ni mahela.”

Mithumo 16:26

Kunukunuko ku to humelela kudekadeka ka hombe ka mafu, kuza kudekadekiswa ni marigwi a hahatshi ka mkora; matimba me tuleka, se titxhini ta votshe ti thuseka.

Mithumo 5:19

Kambe Ngelozi ya Mkoma yi to tula matimba mkorani ni wusiku, yi va humisa hahanze, yi txi kha yona:

Luka 9:17

Votshe va dyite va txi khura; msana keto, va tshumete ve rolela asi si nga sala: Digumi da sirundu ni simbidi.

Luka 1:53

Avale va nzala a va khurisile ngu sa sinene, e hangalasa avale va kutithemba, na va si nga ni txilo manzani.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Jeremiya 31:14

Ni na khurisa mimoya ya vaphaxeli ngu mafura, sekoko vathu vangu va na khura ngu silo sa sinene sangu, kuwomba Mkoma.

Isaya 9:4

Nguko awe u funyile dikange dile di nga ti nemela txitimwi kwakwe, ni limhika lile li nga ti va peka makatani kwakwe, ndonga ya mxanisi wawe, kufana ni disthiku da Vamidhiyani.

Masalmo 136:25

A ningako sakudya ka votshe vathu; nguko lirando lakwe nda kala kupinduka!

Masalmo 72:4

Mfumeli a na vhikele sisiwana sa ditiko; e vhuna sisiwana ni kuganyatela vaxanisi!

Masalmo 12:5

Mkoma a khene: “Ngu mhaka ya kuxaniseka ka sisiwana ni miketo ya vale va si pwatako ni na khukha ni txi ema, kha Mkoma, ni na va veka kuhulukani avale va vilelako.”

Masalmo 9:16

Mkoma a ti wonekisile, kambe a lamute; nene m'bihi a bzwetilwe ngu mithumo yakwe yo biha.

Masalmo 35:10

Ngu yotshe mbilu yangu ni na womba ni txi khani: “Kha txi nga ho tximwani Txizimu hahanze kwako Mkoma! Awe wa hulukisa sisiwana ni sikulungu ka vale i ku va mtamo ngutu kupinda sona, avale va si dyelelako!”

Masalmo 68:7

Txizimu, mbimo yi u nga huma u txi thangela masoni ka vathu vako, u txi tshawunyeta navo txiwula,