Masalmo 146:6 - Bhiblia Yo Sawuleka

⁶ a nga va nga tinzuma ni mafu, linene ni sotshe si si kuho ka sona, kambe a xayisako ditshuri kala kupinduka;

Masalmo 146:6 Referans Kwoze

Mtuletelo 14:7

Yona yi ti womba-womba ngu dipswi da hombe, yi txi kha yona: “Thavani Txizimu mi txi pfalisa, nguko txi hokile txikhati txa kulamula ka txona; khozelani awule a nga maha nzuma ni mafu, linene ni sisima.”

Masalmo 100:5

Nguko Mkoma mbwamnene, ni wumbilu wakwe kha wu na magwitiko! Kambe ditshuri dakwe nda liveleko ni liveleko.

Eksodha 20:11

Nguko ngu mtxhanu wa masiku ni dimwedo, Mkoma a vangile nzuma ni mafu, ni linene, ni sotshe asi si kuho, se a to humulela ngu ditshiku da wutxhanu ni mambidi; ngu mhaka yeto, Mkoma a katekisile ditshiku da Sabbata a txi di sawulekisa.

Vakolosa 1:16

ngu kwakwe si vangilwe sotshe simaha nzumani ni ha mafuni, simaha si si wonekako ni si si si wonekiko, hambi siluvelo mwendo wufumeli, hambi wukoma mwendo mitamo; sotshe simaha si vangilwe ngu ngene, kambe si vangetwe ene.

Jeremiya 32:17

O! Mkoma Txizimu! Ngawe u nga maha nzuma ni mafu ngu mtamo wako wa hombe ni diwoko dako di nga nawulutwa; kha ku na txilo txi tandako kwako:

Genesisi 1:1

Kukhatani Txizimu txi vangile nzuma ni mafu.

Masalmo 95:5

Linene li lumba ene, nguko ngene a nga li maha; mafu a kuoma ni ona i mthumo wa manza akwe.

Masalmo 89:2

Ni na huwelela ti to lirando lako kha li nga ni magwito, ni ti to kuthembeka kwako kha ku nga ni magwito, kufana ni nzuma.

Vahebheru 6:18

Ku ni simaha simbidi so tsana. Ka sona si sa simbidi, kha ti koteki ti to Txizimu txi hi kanganyisa. Ngu toneto, athu hi txi thembako, hi fanete kunamarela ngu kutsana ka txithembiso txi txi nga vekwa masoni kwathu.

Titosi 1:2

ngu kuthemba wutomi wo mbi guma, wu nga thembiswa, ku sinzi kuhoka timbimo to mbi guma ngu Txizimu, atxi txi si wombiko makuhu,

Masalmo 117:2

Nguko wunene wakwe kwathu mbwa hombe, ni ditshuri da Mkoma nda kala kupinduka! Dhumisani Mkoma!

Masalmo 33:6

Ngu dipswi da Mkoma; ku vangilwe nzuma ni sotshe sasingi sikuho ngu moya wa txisofu txakwe.

Mithumo 14:15

“Vavamna! Mi mahela txani toneto kani? Anathu hi vathu vo fana ni nanu ngu mtumbuluko; mahungu amanene awa hi mi tiselako ona, ngu ti to mi leka mithumo yi ya kukhozela sa walo, mi tshumelela ka Txizimu txi txi hanyako, txi nga maha nzuma ni mafu ni linene, ni sotshe simaha si si ku ka sona.

Johani 1:3

Sotshe si vangilwe ngu dona, kuwalo ni txa tximwetxo txi nga vangwa hahanze ka dona.

Masalmo 115:15

Mkoma, a nga va nga mafu, a na mi katekise, anu motshe!

Johani 10:34

Jesu a to va xamula a txi khene: “Ina kha ka bhalwa Mlayoni kwanu tito: ‘Ni ti khani: Mi sizimu.’

Dhaniyeli 9:4

Se ni to khongela ka Mkoma, Txizimu txangu, ni ti tshanza, ni txi khani: Yowe! Mkoma! Txizimu txa hombe, txo thaviseka, awe u xayisako txitumelelano ni wumbilu, ka vale va kurandako, va xayisako sirumo sakwe;

Masalmo 98:3

A alakanyile lirando lakwe ni kuthembeka kwakwe ka vathu va ka Israyeli. Hambi vathu va va ku magemeta-mitshi ka ditiko va ku woni kuhanyisa ka Txizimu.

Masalmo 89:33

Aniko kha ni na mbi leka kuranda Dhavhidha, kha ni na mbi leka kumaha sithembiso sangu kwakwe.

Dhewuteronome 7:9

U na ti zive koko ti to Mkoma, Txizimu txako, Njizimu, Njzimu txo thembeka, a xayisako txitumelelano ni wumbilu, kala ka 1.000 wa tiveleko, ka vale va mrandako, ni kuvekisa sirumo sakwe;

Mika 7:20

Jakobe a na mninga kuthemba, se Abrahamu a na mninga wunene wule a nga xambanya ka vatate vathu, kukhukhela ka masiku a kale.