Masalmo 145:5 - Bhiblia Yo Sawuleka

⁵ Ni na xawutela wuhombe wa wudhumo wa wulamuli wako, ni wuhombe wa mithumo yako.

Masalmo 145:5 Referans Kwoze

Isaya 12:4

Se ka ditshiku donedo, mi na khanu: Bongani Mkoma, mi pfalisa ditina dakwe, gelani vathu simaho sakwe, embelelani ti to ditina dakwe di txitimwi ngutu.

Masalmo 119:27

Ni ninge mapimo a kulondeta sileleto sako, se ani ni na alakanya mithumo yako ya kuxamalisa.

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Masalmo 105:2

Embelelani tindando ta kum'dhumisa; womba-wombani ngu mithumo yakwe ya kuxamalisa!

Masalmo 72:18

Txi na dhumiswe Txizimu, Mkoma i ku Txizimu txa ka Israyeli, txona txokha txi mahako sidiwukiso.

Masalmo 71:24

Dotshe ditshiku lidimi langu li na xawuta kululama kwako, nguko va xowokile ve tala ngu tingana vale va nga txi lava ti to ni welwa ngu dikhombo.

Masalmo 96:3

Huwelelani nduma yakwe ka yotshe mifumo mi rurutela sidiwukiso sakwe ka totshe tixaka ta vathu,

Genesisi 24:63

Se Isaake a to huma ni minova eya mpetoni kuya khongela; ngako a di gute maso, a to wona makamelu ma txi bwaka.

Dhewuteronome 32:3

Nguko ni na huwelela ditina da Mkoma; Dhumisani Txizimu txathu!

1 Makronika 16:9

Embelelani tindando ta ku m'dhumisa, wombawombani ngu mithumo yakwe yo xamalisa.

Masalmo 111:3

Mithumo yakwe yi tate ngu wunene ni kudhundeka kululama kwakwe kusimama kala kupinduka.