Masalmo 145:3 - Bhiblia Yo Sawuleka

³ Mkoma mbwa hombe, kambe ana ni fanelo yo dhumiswa ngutu, wuhombe wakwe kha wu sikoti kupimwa.

Masalmo 145:3 Referans Kwoze

Masalmo 147:5

Mbwa hombe Mkoma wathu, kambe mbwa mtamo wa hombe; wuzivi wakwe kha wu na magwito.

Varoma 11:33

Oh! Kutshima ka kufuma ni wuzivi ni wutxhari wa Txizimu! Kulamula ka txona kha ku ziwi ngu m'thu, hambi tinzila ta txona ni tona kha ti ziwi ngu m'thu.

Jobe 5:9

Txona txi maha mithumo ya hombe ngutu, kha yi koteki ni ku yi bala; ni sixamaliso sasingi sa kwa mbi balwa.

Isaya 40:28

Khu ti zivi, khwa tipfa taku, Txizimu txa yotshe mbimo, Mkoma, M'vangi wa magwito a mafu, kha karali, hambi kurereka kani? Mapimo akwe kha ma na mpimo.

Jobe 9:10

Atxi txi vangako silo sa hombe, si si kotekiko kubalwa, ni sixamaliso saku kha si txhamuseleki.

Masalmo 139:6

Wuzivi wo nga eto, kwangu wa xamalisa ngutu; wuzivi wo guleka ngutu, kha ni sikoti kuyipfisisa ngu mapimo angu.

Masalmo 48:1

Mkoma mbwa hombe, kambe a fanela kudhumiswa didhoropani ka Txizimu txathu, mmangoni kwakwe ko sawuleka!

Masalmo 96:4

nguko Mkoma mbwa hombe, ana ni fanelo ya kudhumiswa, a fanete kuthawa kupinda sotshe sizimu!

Jobe 26:14

Wona taku atiya ndikasa ta tinzila ta Txizimu; kambe ndidotho ngutu ati hi khalako ku tipfa ngu txona! I mani koko a ndi no ziva kudhinda ka mtamo txona kani?

Mtuletelo 15:3

na va txi embelela lindando la Mosi, txithumi txa Txizimu, ni lindando la Txinvutana, va txi kha vona: “Mithumo yako nja hombe, kambe ya xamalisa, awe Mkoma Txizimu txa mtamo wotshe, tinzila tako ndo lulama ni ta ditshuri, awe mfumeli wa otshe matiko.

1 Makronika 16:25

Nguko Mkoma mbwa hombe; a fanela kudhumiswa ngutu, wa thaviseka kupinda sotshe sizimu.

Jobe 36:26

Wona, Txizimu nja hombe kupinda wuzivi wathu; kambe kha ku na kubalwa malembe a txona.

Jobe 37:23

Ka wu wa Mtamo-wotshe kha hi na kuhoka; mbwa hombe amu ka mtamo; aniko kha lamuli ni wammweyo ngu timbiti, ni wuhombe wa wululamo.