Masalmo 145:1 - Bhiblia Yo Sawuleka

¹ Ni na kuguleta awe Txizimu, Mkoma wangu, ni na bonga ditina dako kupinduka ni kupinduka.

Masalmo 145:1 Referans Kwoze

Masalmo 45:6

Txikhalo txako txa wukoma txi fanana ni txikhalo txa Txizimu txi txi hanyako kala kupinduka, wukoma wako wu na va mfumo wa kululama.

Masalmo 30:12

Ti di ngeto, Mkoma, Txizimu txangu, ni na embelela ngu ngawe ni si gwiti, ni na kudhumisa kala kupinduka.

Masalmo 34:1

Ni na dhumisa Mkoma yotshe mbimo; ni na huwelela wudhumo wakwe ngu txisofu txangu, ni si gwiti.

Matewu 25:34

“Sekoko Mfumeli a na gela vale va ku txinene a txi khene: ‘Ngonani anu mi nga katekiswa ngu Tate wangu, amukelani thomba ya Mfumo, ayi mi nga lulamiselwa kukhukhela di txi mahwa ditiko.

Isaya 33:22

Nguko Mkoma mlamuli wathu, Mkoma mmahi wa milayo yathu; Mkoma ngene Mfumeli wathu, ene a na hi hanyisa.

Masalmo 45:1

Mbilu yangu yi tate ngu mapswi o tshura ngutu; ni na thula ndando yangu ya ku embeleta mfumeli wa ditiko! Lidimi langu i peniselo ya m'bhali wo txhariha.

Masalmo 44:4

Txizimu, awe ngawe mfumeli wangu! Ninga kuxula ka vathu vako!

Masalmo 30:1

Ni na dhumisa wuhombe wako, Mkoma, nguko awe u ni hulukisile kambe khwa tumela ti to valala vangu va txi ni seka.

Mtuletelo 19:16

Kubhatwe ditina ha nguwoni kwakwe ni ha nyongani kwakwe: “Mfumeli wa vafumeli, Mkoma wa vakoma!”

Malakiya 1:14

Sekoko a na rukwe mkanganyisi wule waku, a di ni txihari ka mtxhambi wakwe, wa thembisa, kambe e ningela ka Mkoma tximaha txo soleka; nguko ani ngani Mfumeli wa hombe, kuwomba Mkoma wa Mabutho a Tiyimbi, ditina dangu di na maha do thisa hagari ka matiko.

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Masalmo 149:2

Israyeli a na tsakele Muvangi wakwe; vathu va Siyoni va na tsakele mfumeli wawe!

Masalmo 145:21

Txisofu txangu txi na embelela wudhumo wa Mkoma! Ni votshe vathu va na dhumisa ditina dakwe do sawuleka kala kupinduka!

Masalmo 100:1

Embelelani ka Mkoma ngu litsako, anu vathu va dotshe ditiko!

Masalmo 95:3

Nguko Mkoma Njzimu txa hombe, kambe Mfumeli wa hombe txitimwi ka sotshe sizimu.

Masalmo 68:4

Embelelani ka Txizimu, embelelani tindando mi dhumisa ditina da txona, dhumisani awule a tsimbilako txitimwi ka marefu. Ditina dakwe i Txizimu! Tsakani masoni kwakwe!

Masalmo 52:9

Yotshe mbimo ni na kudhumisa ngu mhaka ya ti u nga maha kala kupinduka. Masoni ka vasawuleki vako ni na dhumisa ditina dako, nguko awe u wamnene.

Masalmo 5:2

Engisa huwa yangu, awe Mkoma wangu ni Txizimu txangu, nguko ani ni tisa kwako mkombelo wangu.

1 Makronika 29:13

Konkuwa koko, awe Txizimu txathu, ha ninga kubonga ni kudhumisa ditina da wudhumo wako.

Masalmo 5:3

Ni mixo, Mkoma, engisa dipswi dangu, neti di txi txa ditambo ni veka masoni kwako txikombelo txangu ni txi rinzela xamulo yako.

Masalmo 30:2

Mkoma, Txizimu txangu, ni ku kombete txivhuno, se awe u ni hanyisile.

Masalmo 75:9

Aniko, ani, ni na dhumisa Txizimu kala kupinduka; ni na embelela ni dhumisa Txizimu txa Jakobe.

Masalmo 96:2

embelelani ka Mkoma, mi dhumisa ditina dakwe; ditshiku ni ditshiku dhumisani kuhanyisa kwakwe.

Masalmo 118:28

Awe u Txizimu txangu, se ani na ku bonga; awe u Txizimu txangu, ani ni na huwelela wuhombe wako.

Masalmo 146:2

Ni na dhumisa Mkoma, ni txi ngadi ni hanya; ni na embelela kudhumisa ka Txizimu txangu, ni txi ngadi ni hanya.

Isaya 38:20

Mkoma a tile e ta ni hanyisa, ngu koneho, ni gwesa sivetaveta sangu, hi na kudhumisa ka otshe masiku a kuhanya kwathu, Nyumbani ka Mkoma.