Masalmo 143:9 - Bhiblia Yo Sawuleka

⁹ Ni hulukise awe Mkoma, ka valala vangu; nguko ani ni thavela kwako.

Masalmo 143:9 Referans Kwoze

Mavingu 18:10

Ditina da Mkoma dinera do tsana, mlulami a na tutumela ka dona, eya ti khongelela a di txitimwi.

Masalmo 142:5

Ni dite kwako awe Mkoma, ni txi khani: “Awe ngawe wuthavelo wangu; kambe u thomba yangu ka mafu ya va va hanyako!”

Masalmo 59:1

Txizimu txangu, ni hulukise ka valala vangu; ni vhikele ka vale va ni wukelako.

Masalmo 56:9

Ka ditshiku di ni no kukombela txivhuno, se valala vangu va txi tshumelela msana, ni na va ni tiziva ti to Txizimu txi ni nani.

Masalmo 31:15

Wotshe wutomi wangu wu manzani kwako; ni hulukise ka valala vangu va ni hingako!

Vahebheru 6:18

Ku ni simaha simbidi so tsana. Ka sona si sa simbidi, kha ti koteki ti to Txizimu txi hi kanganyisa. Ngu toneto, athu hi txi thembako, hi fanete kunamarela ngu kutsana ka txithembiso txi txi nga vekwa masoni kwathu.

Masalmo 57:2

Ni na dila ka Txizimu, Nyatxitimwi, Txizimu txi txi ni ningako sotshe si ani ni si lavako.

Masalmo 142:7

Thavisa moya wangu mkorani, kasiku ni na dhumisa ditina dako; vathu vo lulama va na ni randela, ngu kuwona makatekwa awa u nga ni mahela.”