Masalmo 143:7 - Bhiblia Yo Sawuleka

⁷ Mkoma, kuluveta u txi ni xamula, nguko ni gumile mtamo, u nga ni sisele khohe yako, ni nga fanane ni vale va yako diphalani.

Masalmo 143:7 Referans Kwoze

Masalmo 69:17

U nga ni sisele khohe yako ani txithumi txako; ni xamule ngu kukuluveta, nguko ni ha phangoni!

Masalmo 28:1

Ni na kwangula kwako, Mkoma, awe dirigwi dangu; u nga tsive tinzeve ka mkombelo wangu. Ngako awe u si ni engisi, ni na fana ni vale va relelako mathowoni.

Masalmo 27:9

U nga ni tshuralele! U nga ni henyele! Ngawe wekha u ku m'vhuneteli wangu! U nga ni leke. U nga ni tshotshe, awe Txizimu, Muhanyisi wangu.

Masalmo 71:12

Txizimu, u nga ti hambukise kwangu; Txizimu txangu, kukuluveta u ta ni lwela!

Isaya 38:18

Nguko dithitha kha di sikoti ku kudhumisa, hambi kufa kha ku na ku kupfalisa, kambe kha va na mbi verela ditshuri dako, avale va relelako diphalani.

Masalmo 102:2

U nga ni sisele khohe yako, mbimo yi ni ku kupandisekani; siza u txi engisa kuvilela kwangu! Kuluveta u txi ni xamula, ngako ni txi kudhana!

Masalmo 69:3

Na foma dipswi ngu kupeka huwa, mkolo wangu omile, wa panda; maso angu ma karala ngu kurinzela, Txizimu txangu!

Luka 21:26

Vathu va na tsivala ngu kuthava makhombo yawa ma no humelela ha ditikoni kotshe: Nguko mitamo ya nzumani yi na dekadekiswa.

Isaya 57:16

Nguko kha ni na mbi lwa kala kupinduka, hambi kuya masoni ngu kuhenya; nguko moya wu nga guma mtamo masoni kwangu, ni mihefemulo yile ni nga yi va nga.

Isaya 8:17

Se ni na themba Mkoma wu a nga sisela khohe yakwe va nyumba ya ka Jakobe, ni na verela kwakwe.

Masalmo 70:5

Ani ni txisiwana, ni txikulungu; Txizimu, ngono ngu kukuluveta u ta ni vhuna. Awe u txivhuno txangu, m'hulukisi wangu; u nga swele, Mkoma!

Masalmo 40:17

Mkoma, ni xayise, ani ni ku txikulungu txo mpwata-ni-wangu! Awe ngawe m'vhuni wangu ni m'hulukisi wangu; u nga swele, Txizimu txangu!

Masalmo 22:24

Nguko ene kha soli, kambe kha nyenyi kuxaniseka ka sisiwana kambe kha si tshuraleli. Aniko wa si engisa mbimo yi si kombelako txivhuno.”

Masalmo 84:2

Moya wangu wa navela ni kuxuva siluvelo sa Mkoma; yotshe mbilu yangu ya embelela ngu kutsaka ka Txizimu txi txi hanyako!

Masalmo 69:18

Tshuketa hafuhi kwangu u ni hanyisa; ni ponise ka valala vangu!

Mavingu 13:12

Kuverela ko swela ka karalisa mbilu, aniko kuhoka ka tile ti navelwako, mndonga wa wutomi.