Masalmo 143:6 - Bhiblia Yo Sawuleka

⁶ Na guleta manza angu kwako, ni khongela; Kufana ni mafu a kuoma, moya wangu wa pfa ditora ngu ngawe.

Masalmo 143:6 Referans Kwoze

Masalmo 63:1

Txizimu, awe u Txizimu txangu! Na kulava ni si karali! Moya wangu wu na ni ditora ngu ngawe; wotshe mmidi wangu wa kunavela, ku nga mafu a ligwangwa, o oma ma ku si nga ni mati.

Jobe 11:13

Ngako awe u di lulamisete mbilu yako, nawuluta manza ako kwakwe;

Masalmo 88:9

Maso angu ma karate ngu kudila ngutu. Masiku otshe na kukhozela, Mkoma, na guleta manza angu ni txi khongela.

Masalmo 84:2

Moya wangu wa navela ni kuxuva siluvelo sa Mkoma; yotshe mbilu yangu ya embelela ngu kutsaka ka Txizimu txi txi hanyako!

Masalmo 44:20

Ngako hi txi divala Txizimu txathu, se hi nawuluta manza athu ka txizimu txa walo,

Isaya 35:7

Se mafu a kuoma ma na hinduka me maha sisima, ni mafu a ditora ma nava sisima sa mati; se mazumboni ka maxolwa ku na mila mwasi, ni titshava, ni tiwungu.

Johani 7:37

Ka ditshiku do gwitisa da M'buso, i ku ditshiku da hombe, Jesu a to khukha a txi ema, a txi gula dipswi a txi khene: “Ngako m'thu wokari a ti ni ditora, anate kwangu e ta sela.

Eksodha 9:29

Sekoko Mosi a xamute a txi khene: “Msana ka kuva ni di humile mu didhoropani ni na nawuluta manza angu ka Mkoma; singwalangwanda si na ema, kambe kha ku na mbiswa ku txi wa mati a maralala, kasiku u txi ziva to ditiko di lumba Mkoma.

Jobe 7:2

Kufana ni mhoti yi navelako mtsudi, ni ku nga txithumi txi verelako hakhelo ya txona,

Masalmo 42:3

Kudila mirongo, ngumba sakudya si ni dyako wusiku ni mitshikari, nguko ditshiku ni ditshiku va ni wotisa va txi kha vona: “Txi hani Txizimu txako kani?”

Masalmo 88:10

Ina u nga maha sidiwukiso sako ka vafi kani? Ina vafi va nga sikota kuwuka va txi kudhumisa kani?