Masalmo 143:2 - Bhiblia Yo Sawuleka

² U nga lave ku ni thethisa ani txithumi txako, nguko masoni kwako kuwalo wu i ku wamnene.

Masalmo 143:2 Referans Kwoze

Ekleziyaste 7:20

Ngu ditshuri kha ku na m'thu wo lulama txitimwi ka mafu, wo maha ta tinene, asi dhukiko e onha.

Varoma 3:20

Ngu koneho kha ku nga ni wammweyo a no manwa a di lulamile masoni ka txona ngu mithumo ya mlayo, nguko mlayo wu ninga kuziva txionho dwe.

Jobe 25:4

Ti ndi na mahisa kutxani ku m'thu eva wo lulama masoni ka Txizimu, niku a ndi na lulamisa kutxani wule a velekwako ngu wamsikati kani?

1 Johani 1:10

Ngako hi txi womba ti to kha hi onhi, ho lumbeta makuhu Txizimu, se dipswi da txona kha di nga ho kwathu.

Vagalatiya 2:16

Ha tiziva ti to m'thu kha sikoti kumana wululami ngu mhaka ya mithumo ya Mlayo, aniko a mana wululami ngu mtamo wa likholo dwe ka Jesu Kristu; nanathu hi khotwe ka Jesu Kristu, kasiku hi mana wululami ngu likholo ka Kristu, i si nga ngu mithumo ya Mlayo; nguko ni wammweyo kha na mbi mana wululami ngu mhaka ya mithumo ya Mlayo.

Masalmo 130:3

Ngako awe Mkoma u txi londeta ngu sionho sathu, i mani a no tsana a txi ema kani Mkoma?

Jobe 14:3

Awe u tula maso ako txitimwi ka eneyo, se u ni maha ni wulela ni nawe kulamulwani.

Jobe 15:14

Njitxani m'thu, konaza eva a di sawulekile kani? Ni ti taku awule a velekwako ngu wamsikati, eva wo lulama kani?

Jobe 4:17

Ina m'thu a ngava i di wo lulama ngutu kupinda Txizimu kani? Ina wamwamna a ngava a ti sawulekile kupinda M'vangi wakwe kani?

1 Vafumeli 8:46

Ngako va txi kuonhela (nguko kha ku na m'thu asi onhiko), se awe u txi va henyela, u va ningela manzani ka mlala, kasi ku avale va no va ñola, ve va yisa ditikoni ka mlala kota tikhumbi, hambi i di kule mwendo hafuhi;

Eksodha 34:7

Wo tala ngu lirando la hombe, kala ka magumi a mazana a tiveleko, wo divalela wubihi, kueyisa ni sionho, aniko kha fananisi muonho ni wamnene; kambe wa tsayisa vanana ni vatukulu, kala ka liveleko la wuraru ni la wumune, ngu mhaka ya sionho sa vatate vawe.”