Masalmo 143:11 - Bhiblia Yo Sawuleka

¹¹ Ni hanyise awe Mkoma, ngu mhaka ya ditina dako! Humisa moya wangu xomuloni, ngu mhaka ya kululama kwako!

Masalmo 143:11 Referans Kwoze

Masalmo 31:1

Mkoma, ani ni themba awe; u nga ni leke ni txi wiswa tingana. Ni hulukise, nguko awe u lulamile.

Masalmo 119:25

Ni gumile mtamo, ni txi wa hahatshi; wusa kambe mtamo wangu, madingano ni txithembiso txako.

Masalmo 119:37

Vhikela maso angu ti to ma si woni wukanganyisi, se ni wuse ni tsimbila ngu nzila yako.

Masalmo 71:2

Ni ponise, u txi ni vhikela, awe u ku wo thembeka! Ni engise, u txi ni hanyisa!

Habhakuki 3:2

Ni pfite dispwi dako Mkoma ni thava; wusa awe Mkoma mthumo wako hagari ka malembe, hagari ka malembe wuzivekise; Kuhenyani kwako alakanya wumbilu.

Masalmo 138:7

Ngako ni txi tsimbila hagari ka kuxaniseka awe wa ni hanyisa; u na nawuluta dianza dako u ni vhikela ka txiviti txa valala vangu se dianza dako da txinene di na ni hanyisa.

Masalmo 119:88

Ni hanyise ngu wumbilu wako, se ni na vekisa milayo yi u ni gelako.

Masalmo 85:6

Khu na mbiswa u txi hi hanyisa, kasiku vathu vako va txi tsaka ngu ngawe kani?

Masalmo 34:19

Vathu vo lulama va dukwa ngu sixaniso so tala, aniko Mkoma wa va hulukisa ka sotshe.

Masalmo 25:11

Mkoma, sionho sangu nza hombe ngutu, ni divalele kasi kudhumisa ditina dako.

Masalmo 143:1

Mkoma, engisa mkombelo wangu! Riya nzeve upfa kuvilela kwangu; ni pfisise madingano ni ditshuri dako, ni wululami wako!

Masalmo 119:107

Mkoma, ni ha kupandisekani ka hombe; ni hanyise kota kuthembisa kwako!

Masalmo 119:40

Wona ti ni randisako tona milayo yako; ni hanyise, nguko awe u lulamile!

Masalmo 25:17

Thavisa kupandiseka ka mbilu yangu; u txi ni hulukisa ka sixaniso sangu.