Masalmo 143:10 - Bhiblia Yo Sawuleka

¹⁰ Ni gondise kumaha kuranda kwako; nguko awe ngawe Txizimu txangu. Moya wako wa wunene wu na ni tsimbitise ka nzila yo lulama!

Masalmo 143:10 Referans Kwoze

Johani 14:26

Kambe Mthaveleli, i ku Moya wo Sawuleka, awu Tate a no mi rumela ngu ditina dangu, ene a nata mi gondisa sotshe simaha ni ku mi alakanyisa totshe ti ni khalako ku mi gela.”

Vahebheru 13:21

Mkoma wathu Jesu, txi na mi longisele sotshe si i ku sa sinene, kasi ku si mi vhuna kumaha kuranda ka txona; txona Txizimu txi na thume kwathu ati ti txi tsakisako, ngu Jesu Kristu, awu a fanelako kupfaliswa ngu malembe ni malembe.

Masalmo 23:3

Wa xayisa moya wangu kambe wa ni tsimbitisa ngu tinzila to lulama, ngu mhaka ya ditina dakwe.

Masalmo 119:12

Bongwa, Mkoma! Ni gondise milayo yako!

Nehemiya 9:20

Se u va ningile moya wako wa wunene, kuve gondisa ngu wona; hambi manna ako khu ya thavisa txisofuni kwawe; ni mati o sela u va ningile.

1 Johani 2:27

Se anu, kutotwa ku mi nga kuamukela kwakwe, wu zumbile kwanu, se kha mi ngadi mi txi fanela kugondiswa ngu m'thu; nguko kutotwa ka ditshuri, kha ku wombi makuhu, ngu konaho, zumbani kwakwe Kristu, nga ti ku nga mi gondisa tona.

2 Timoti 1:7

Nguko Txizimu kha txa hi ninga moya wa dizowa, aniko txi hi ningile moya wa mtamo, ni wa lirando ni kutipimela.

Varoma 15:13

Txizimu txa txithembo txi na mi tate ngu litsako lotshe ni kudikha amu ka likholo lanu, kasiku ngu mtamo wa Moya wo Sawuleka txithembo txanu txi tala txi thekelela.

Masalmo 140:6

Ani ni ti khani ka Mkoma: “Awe ngawe Txizimu txangu!” Engisa huwa ya kudila kwangu, awe Mkoma!

Masalmo 31:14

Aniko themba yangu yi kwako, Mkoma; se ani ni huwelela ti to awe u Txizimu txangu!

Varoma 8:26

Ngu mhaka ya toneto, Moya wo Sawuleka ni wona wata wuta hi vhunetela amu ka mikaralo yathu, nguko kha hi ti zivi ati hi fanelako ku khongelisa tona mikombeloni kwathu; ngu wona wupune wu hi kombelelako, ngu tingumo to mbi balwa.

Varoma 8:2

Nguko mlayo wa Moya wa wutomi awu wu ku ka Kristu Jesu wu ni txhatxhile ka mlayo wa txionho ni lifo.

Varoma 5:5

Kuthemba kha ku hi wisi tingana, nguko lirando la Txizimu li thetwe timbiluni kwathu, ngu Moya wo Sawuleka, wu hi nga ningwa.

Masalmo 119:35

Ni ninge kutsimbila ngu nzila ya sirumo sako, nguko ngu sona si ni tsakisako.

Vaefesu 4:30

mi nga henyiseni Moya wo Sawuleka wa Txizimu, awu mi nga vekelwa ngu wona txixambanyo txa kukomba ti to mi lumba Txizimu ka ditshiku diya txona txi nota mi tirula ngu dona ka magwito.

Isaya 63:14

Kufana ni txihari txi txi relelako mikovani, Moya wa Mkoma wu va ningile kuhumula; ngu toneto u tsimbitisile vathu vako, kasi ku ti mahela ditina do dhundeka.

Masalmo 25:12

M'thu wule a thavako Mkoma ene wa m'gondisa nzila yi a fanelako kutsimbila ngu yona;

Vaefesu 5:9

Nguko mihando ya liwoningo ngu wunene ni kululama ni ditshuri.

Mika 4:2

Se matiko amangi ma na ya ma txi ya kha ona: Ngonani, a hi kweleni mmangoni ka Mkoma, ni Nyumbani ka Txizimu txa Jakobe, kasi ku txi ya hi gondisa tinzila ta txona, se athu hi na tsimbila ngu tinzila ta txona; nguko ku na huma mlayo ngu Siyoni, ni dipswi da Mkoma ngu Jerusalema.

Masalmo 139:24

Wona ti to mwendo ni tsimbila ngu nzila yo biha u txi ni tsimbitisa ngu nzila yi ni yisako ka wutomi wo mbi guma.

Masalmo 63:1

Txizimu, awe u Txizimu txangu! Na kulava ni si karali! Moya wangu wu na ni ditora ngu ngawe; wotshe mmidi wangu wa kunavela, ku nga mafu a ligwangwa, o oma ma ku si nga ni mati.

Varoma 15:30

Se na mi kombela, vanathu, ngu Mkoma wathu Jesu Kristu, ni lirando la Moya, ti to mi lwa kumweko ni nani ngu mikombelo yi mi yi yisako ka Txizimu, mi txi kombelela ani,

Masalmo 118:28

Awe u Txizimu txangu, se ani na ku bonga; awe u Txizimu txangu, ani ni na huwelela wuhombe wako.

Masalmo 22:1

“Txizimu txangu, Txizimu txangu, u ni lekete txani kani?” Ngu kutxani u swelako kuxamula mapswi a kudila kwangu kani?

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Isaya 29:10

Nguko Mkoma a mi thete moya wa wukohe wa hombe, kambe a tsivile maso anu, i ku vaprofeti, a fenengetile vathangeli vanu, i ku vahuti.

Mitengo 9:22

Hambi ngako direfu di txi zumba txitimwi ka nyumba masiku mambidi, mwendo mtxima, mwendo mbimo yo lapha ngutu, ni vona vanana va ka Israyeli va ti ka so zumba ka matenda awe va si khukhi; se ku nga ti direfu di txi khukha ni vona va txo khukha.

Masalmo 27:11

Ni gondise, Mkoma, ati u ti lavako ni ti maha, u ni tsimbitisa ngu nzila yo lulama, nguko valala vangu mbavangi.