Masalmo 143:1 - Bhiblia Yo Sawuleka

¹ Mkoma, engisa mkombelo wangu! Riya nzeve upfa kuvilela kwangu; ni pfisise madingano ni ditshuri dako, ni wululami wako!

Masalmo 143:1 Referans Kwoze

Masalmo 71:2

Ni ponise, u txi ni vhikela, awe u ku wo thembeka! Ni engise, u txi ni hanyisa!

Masalmo 140:6

Ani ni ti khani ka Mkoma: “Awe ngawe Txizimu txangu!” Engisa huwa ya kudila kwangu, awe Mkoma!

Masalmo 31:1

Mkoma, ani ni themba awe; u nga ni leke ni txi wiswa tingana. Ni hulukise, nguko awe u lulamile.

1 Johani 1:9

Ngako hi txi ti tshanza sionho sathu, Txizimu txi thembekile ni kululama, kasi ku hi divalela sionho sathu ni ku hi basisa ka wotshe wubihi.

Dhaniyeli 9:16

Awe Mkoma, mandingano ni wotshe wululamo wako, ku na khukhe kuhenya kwako ni txiviti txako txitimwi ka dihoropani dako Jerusalema, ka mmango wako wo sawuleka; se ngu mhaka ya sionho sathu, ni ngu mhaka ya sihambunyeto sa vatate vathu, Jerusalema ni votshe vathu vako va hundukile txisekiso ka votshe vale va ku mabambe kwathu.

2 Samuwele 7:25

Konkuwa koko, awe Mkoma Txizimu, dipswi diya u ngadi womba ngu mhaka ya txithumi txako ni ngu mhaka ya nyumba ya txona, di tsanise kala kupinduka, u maha madingano ni ti u nga wombisa tona.

Masalmo 17:1

Engisa, Mkoma, kululama ka mhaka yangu, engisa huwa yangu! Engisa mkombelo wangu, wu huma txisofuni kwangu ko mbi xengetela.