Masalmo 142:6 - Bhiblia Yo Sawuleka

⁶ “Engisa kudila kwangu, nguko se ni gumile mtamo; ni hulukise ka vale va ni xanisako, nguko va na ni mtamo kupinda ani.

Masalmo 142:6 Referans Kwoze

Masalmo 79:8

U nga hi tsayise ngu mhaka ya sionho sa vakale vathu; hi pfele wusiwana ngu kukuluveta, nguko mtamo wathu wu gumile!

Masalmo 116:6

Mkoma wa vhikela ava va xuphekako; mbimo yi ni nga ti si nga ni mtamo, ene a ni hulukisile.

Masalmo 136:23

A nga alakanya kuxaniswa kwathu; nguko lirando lakwe nda kala kupinduka!

Masalmo 17:1

Engisa, Mkoma, kululama ka mhaka yangu, engisa huwa yangu! Engisa mkombelo wangu, wu huma txisofuni kwangu ko mbi xengetela.

Varoma 8:37

Aniko ka sotshelele siya, ha xula ka kupindisa ngu mtamo wa wule a nga hi randa.

Varoma 8:33

I mani a no mangalela avale va nga sawulwa ngu Txizimu kani? Txizimu ngu txona txi lamulako ti to vona mbalulami!

Masalmo 143:7

Mkoma, kuluveta u txi ni xamula, nguko ni gumile mtamo, u nga ni sisele khohe yako, ni nga fanane ni vale va yako diphalani.

Masalmo 59:3

nguko a va va ni riyelako, va wukela muhefemulo wangu, vathu va mtamo va maha sikungo so ni wukela, ni sa hambunyeta txilo hambi kuve ni mnandu, awe Mkoma.

Masalmo 38:19

Valala vangu va hanya, va na ni mtamo; mbavangi, va ni vengako va si nga ni fanelo.

Masalmo 18:17

A ni hulukisile ka mlala wangu wa mtamo, ni ka vale va nga ti ti ni vengela, va ku ni mtamo kupinda ani.

Masalmo 3:1

Mkoma, eto va nga talisa tona valala vangu! Va tate avale va ni wukelako.

1 Samuwele 24:14

A humela mani mfumeli wa va ka Israyeli kani? A tutumisa mani kani? U tutumisa yimbwa yo fa kani? Mwendo i ndata kani?

Masalmo 143:3

Mlala wangu wa ni xanisa, wa ni ganyatela hahatshi; wa ni kurumeta kuzumba txidemani, kufana ni vale va nga fa kale.

Masalmo 27:13

Kambe ani, na themba ngu kutsanisa ti to ni na wona wunene wa Mkoma ditikoni ka va va hanyako.

Masalmo 46:2

Ngu toneto, kha hi thavi txilo, hambi mafu ma txi dekadekiswa, hambi mimango yi txi mitwa ngu linene.

Masalmo 91:2

Ni na khani: Mkoma Ngene Txizimu txangu, mbuthavelo wangu, mkhokhola wangu, ni na themba kwakwe!